ISAI 1:21 - Bawm Common Language Bible Version

²¹ Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 1:21 ပူးပေါင်းရင်းမြစ်များ

2 SAMUEL 8:15

David nih Israel tla tlûnah lâi a rêl le, rep tak leh ṭha tak hen a mi tla a zauhkhenh kumza na.

2 CHRONICLES 19:9

Hi bang sîntirnâk tla hi a simh na: “LALPA ṭih bû hen rian nan ṭuan ding asi, nan thilti zawzawngah zumhkâi tak hen a thu nan zûl ding asi.

NEHEMIAH 11:1

Ruitu tla chu Jerusalem ah an um le, midang tla vial chu dâwng râ ah dâwng khat vima hen Jerusalem khuapi thenhlimh ah um ding hen chamchawhnâk an nei, a dang vial chu khuapi dang tla leh khua lian dauh ah an um.

SAM 46:4

Chungnungchem, in thenhlimh, Pathian khuapi leiah lâwmnâk tlungtirtu tiva a um.

SAM 48:1

LALPA chu thungâi a rokual le, a tlâng thenhlimh ah mi kan Pathian khuapi ah fâk tak hen chawnglawmh ding asi.

SAM 48:8

Pathian nih zei a ti kan theih rawh, chun tuah Zeizawng tikho LALPA Pathian khuapi ah chu chu kan muh; khuapi chu zungzâl hen a vêng kumza lai.

ISAI 1:22

Jerusalem, veikhat chu tangkasa hâwi na si, sikhawmsele tu lam chu zei rua khawm na tlâklo rawh; uain ṭha hâwi na si le, sikhawmsele tu lam chun tî hâwi cho na si rawh.

ISAI 26:10

Misual sin khawm ah vêl na nei le, thil dik ti lam chu an tum dahlo. Hi mirep umnâk ram khawm ah hin thil diklo an ti nget rih; na rokualnâk theih ding an duh lo.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 59:14

Diknâk chu nar ving asi le, diknâk nih hawng kan naih kho lo rawh. Zapi nâwngah thudik chu a um kho lo rawh, chunah chun zumhkâinâk nih mun a tawng lo.

ISAI 59:15

Zumhkâinâk chu a tâwm tuktarâi rawh ruangah, thilsual ti bângtâktu tla khawm nih anmah ngelchel dân buartu an si ti anna theih,” an ti. LALPA nih repnâk rerêng a um lo ti a muh le, â lâwm lo thlo.

ISAI 59:3

Âwkrâwl thusim hen, siat leh râwk hen, mi thah hen nan sual asi.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

HOSEA 11:12

LALPA nih, “Israel nih an âwkrâwl thusim leh an perpetnâk nih an hawng ka kulh pang. Juda mi tla khawm nih, kei, mi zumhkâi leh Pathian thenhlimh tlûnah an hel kumza nget rih.

HABAKUK 1:4

Dân tla chu a chak lo hen mang tlâklo hen a um le, diknâk khawm mang asi lo. Misual nih mirep ngâk hen ṭhat dauhnâk a lawh le, diknâk chu diklo hen a kal rawh.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 17:1

Chun, vânmifial pasarih, berhbu pasarih puttu lakah pakhat chu ka sinah a hawng le, “Hawng le, nunau â zuar mi minthang tak rêp ding mi, tiva tam tak kiangah khuapi rokual tak chu ka nan zauhtir lai.