ISAI 1:18 - Bawm Common Language Bible Version

¹⁸ LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 1:18 ပူးပေါင်းရင်းမြစ်များ

JOB LASUIBU 9:33

Sikhawmsele, kan kar lakah âukhawm an hawng a tel kho lo. Pathian leh kei rangah thu thlûktu âukhawm an um lo.

SAM 51:7

Ka sual hi kiangtir ving le, ka thiang lai; hawng ka ṭâwl le, vûr ngâk hen ka vâr lai.

SAM 51:9

Ka sual tla lakah na mit sîm le, ka sual tla nâwt dep.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 3:13

LALPA chu a thunawk sim ding hen tîm zet hen a um le, a mi tla lâirêl ding hen â tîm zet rawh.

ISAI 41:1

Pathian nih, “Nannih ram lât tak um mi tla, dâisip hen um ule, ka thu ngâi u! Lâirêlnâk in ah na thunawk tlunh ding hen a tîm le; sim ding hen tik na nei teh lai. Âu a dik ruat ding hen kanna pûm lai.

ISAI 41:21

LALPA, Israel lalchem nih, sim ding a nei mi chu hi hi asi: “Nannih phun pathian tla, an thu hawng tlunh u. Êlnâk ṭha chem nan nei mi hen êl u!

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 50:8

Pathian a nâi ruangah ka mualpho awtlo ti ka theih le sual ka nei lo zia a theih. Ka tlûnah mawhphurh hen hawng ka phiar ngamtu âu a um? Lâirêlnâk ah munkhat hen kan kal lai! A hawng ka phiarnâk hawng put seh me!

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

EZEKIEL 18:27

Misual nih a thilsual ti a bâng hen thil dik leh thil ṭha a ti chun a nungnâk a hum mi asi.

EZEKIEL 33:16

Thilsual a ti mi tla ka ngaihdam lai le, thil dik leh thil ṭha a ti ruangah a nung lai.

MIKAH 6:2

Nannih tlâng sâng tla, nannih zungzâl lungphûm tla, LALPA thunawk ngâi u! Israel tla lakah LALPA nih thunawk a nei, Israel tla chu a phiar na awt.

THILTI 17:2

Chun, Pawl nih a ti dân hâwi nget hen pumhnâk in ah a lût. Dinhni veithum kar Pathian lasui thu chu ruatpi na hen,

THILTI 18:4

Chun, Dinhni kip ah pumhnâk inah thuruatnâk nei hen thu a sim tâwn, Juda leh Greek chu tla chu lêm a tum tâwn.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

1 SAMUEL 12:7

Tuah nan umnâk mun chiauah dîr chiau ule, LALPA nih a chaknâk hen nanmah leh nan thlâktu tla ruang a nan suah na mi an theihtir nawlh na ding hen LALPA mâika ah nan thu ka phuang awt.