ISAI 1:16 - Bawm Common Language Bible Version

¹⁶ Thiang ver hen a ṭâwl u. Thilsual nan ti mi ka muh mi tla hi bâng u.

ISAI 1:16 ပူးပေါင်းရင်းမြစ်များ

2 Lal 17:13

LALPA nih mifial leh khuavâng tla Israel leh Juda rangah thiamthihtir na ding hen a fial le, “Thilsual ti bâng ule, ka to-aw khuavâng tla mang hen nan thlâktu rangah dân ka nan pêk na mi lakah mi kha zûl u,” a ti.

SAM 26:6

Ka sual lo ti theihnâk ah ka kut ka ṭâwl le, a nan sawnh ding hen na mâichâm kiangah ka kal.

SAM 34:14

Thilsual bângtak le, thil ṭha ti. Na thinlung zawzawng hen thlangamnâk tawng ding hen a ṭang rawh.

SAM 37:27

Sual hawitâk le, thil ṭha ti rawh, na thlâk tla chu ram lakah an um kumza lai.

SAM 51:2

Ka diklonâk zawzawng ṭâwl le, ka sual lakah mi hawng ka thiangtir!

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

THUFING LASUIBU 4:27

Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.

ISAI 52:11

Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

JEREMIA 18:11

Tuah, Juda mi leh Jerusalem mi tla chu anmah rêp na ding hen ka tum mi chu ka timhtuah zet rawh ti simh na. An umdân sual tla bâng hen an thilti tla lêt ding hen simh na.

JEREMIA 25:5

Nan umdân sual leh nan thilsual ti bâng ding hen a nan simh na. LALPA nih nanmah leh an thlâk natu tla nih ting pawt ding hen a nan pêk na mi ram ah nan um kumza khonâk ding hen.

JEREMIA 26:3

Mi nih an ngâi hen an umdân an lêt lai rawh. An lêt mi asi chun, an thilsual ti zawzawng ruangah siatnâk an tlûnah tlungtir ding ka tum mi thu ah ka thinlung ka lêt lai,” a ti.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

JONA 3:8

Minung leh ran zawzawng khawm nih salâpuan aih hep ding asi. Mikip nih thinlung tak hen thlacham chiau hen thilsual ti duhnâk leh thilsual ti mi tla lêt hep ding asi.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

ZEKARIA 7:7

LALPA nih a tîrah mi khuavâng mang hen Jerusalem sul-le-lam tluang tak a um hen minung tla khat hen an kiangkam ah khuapi tla ah mi tam tak um mi lâwng silo hen simlei ram leh thlanglei tlângbul tla khuapi ah an um liau khawm ah thu a sim mi chu hi hi asi.

MATHAI 3:8

Nan rim rawh ti zauhtir ding hen thilti hen langhtir u.

THILTI 22:16

Chun, zei rangah me na um ko? Thawk le, a baptis le, na sual na ṭâwl thiang ding hen a sinah thlacham rawh,’ hawng ka ti.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

1 PETER 2:1

Chuvachun, sualnâk zawzawng tla, ngamlêmnâk tla, perpetnâk tla, nahsuahnâk tla, simsiatnâk tla bângtâk u:

1 PETER 3:11

Sual kaltâk hen thil ṭha ti seh, remnâk hâwl hen ṭhâwl vima seh.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,