ISAI 1:15 - Bawm Common Language Bible Version

¹⁵ “Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 1:15 ပူးပေါင်းရင်းမြစ်များ

1 Lal 8:22

Mi zapi mâika ah Solomon chu a va kal le, mâichâm mâika ah a va dîr le, a bân a phar le, thla a cham:

1 Lal 8:54

Solomon nih LALPA sinah thlacham â lîm rawh chun, mâichâm kiangah a bân phar hen a siksidîrnâk mun ah chun a dîr rawh.

Ezra lasuibu 9:5

Zânlei kâng bâwlnâk tik asi rawh chun, ngaihsia tak hen ka um mi mun thawk hen ka thawk le, ka nipuan thlêk mi ruk bû hen bân phar hen ka siksidîr le, LALPA Pathian sinah thla ka cham.

JOB LASUIBU 27:20

Ningṭihnâk chu tîlian hâwi hen lâkkhatko ah a dêng na lai le, zân ah thli nih a ranh phin na lai.

JOB LASUIBU 35:13

Pathian rangah auh chu a zauh na hen a ngâi piak na awtlo ruangah an rangah a ṭhatnâk zeikhawm a um lo.

SAM 134:2

Thlacham hen Biakin ah nan bân tla zangh ule, LALPA chu sawr u!

SAM 55:1

Pathian, ka thlachamnak ngâi le, ka nan ngiar mi hi ngaihlo lêm thlâk lah.

SAM 66:18

Ka sual ka theihtir lo chun LALPA nih hawng ka ngâi piak lai lo.

EXODUS 9:29

Mosi nih a sinah, “Hi khuapi ka suaktâk kâ hen, bân phar hen LALPA sinah thla ka cham lai le, khuarît a bâng lai le, rial khawm a tlâ lai lo rawh; chu tikah tual hi LALPA tâ asi ti na theih lai.

THUFING LASUIBU 1:28

Chu tikah finghnâk na auh lai le, sikhawmsele kei nih kan sâng ding asi lo. Mun kip ah hawng ka hâwl khawm le, na ka tawng ding asi lo.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 45:15

‘Israel Pathian, a mi tla ruangsuahtu a thup hen a um mi Pathian chu asi.

ISAI 58:4

Nan buh ngeinâk nih a nan râwk na le, nanna êl le, nanna sual. Hi bang hâwi buh ngei hen thlachamnâk lakah hin an ngâi piak na ding hen nan ka ruat ma?

ISAI 58:7

Mi sungvâng tla rangah na buh ṭhenh le, mipâm dawrnâk nei lo mi tla rangah na in awng piak na. Aih ding nei lo mi tla rangah puan pêk na le, na rualsia tla ṭangpi ding mi chu êl lah.

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

ISAI 8:17

LALPA chu a mi tla lakah mi â thup le, sikhawmsele amah chu ka zumh hen a sinah lungumnâk ka siah.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

EZEKIEL 11:6

Hi khuapi ah mi cherkhet nan thah na le, zâwllâi chu mithi ruak hen a khat.

EZEKIEL 14:3

“Thikho mi minung, hi bang minung tla hi an thinlung milem leiah an pêk le, sual leikângah milem nih a tlûktir na. Anmah ka sâng na ding hen ma an ruat?

EZEKIEL 39:23

Phun tla nih Israel mi tla sal ah an tâng mi chu ka lakah thilsual an ti ruangah sal ah an tâng mi asi ti an theih lai rawh. Ka hertâk na le, an mêlma tla chu râltuknâk ah anmah nehtu leh thahtu ah ka siam na.

HOSEA 5:6

LALPA sinah bâwlnâk ah an dawrâ leh an ranrual tla an put le, sikhawmsele an rangah zeikhawm a ṭhatnâk a um lo. A kaltâk na rawh ruangah amah chu an tawng kho lo rawh.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 6:7

“Chun, thla nan cham chun Phundang tla hâwi hen nawlh salam lah u; an sim tam ruangah Pathian nih a ngâi piak na ding hen an ruat asi.

JOHAN 9:31

Pathian nih misual thu a ngâi tâwn lo ti kan theih; sikhawmsele, âuzawng nih Pathian sawnhtu asi hen, a duhzia thil a ti chun, anih chu Pathian nih a ngâi piak tâwn.

1 TIMOTHE 2:8

Chun, mipa tla nih munkip ah kut thenhlimh phar hen thinrun lo leh a êl lo hen thlacham ule ka duh asi;