ISAI 1:11 - Bawm Common Language Bible Version

¹¹ Anih nih chun, “Ka sinah bâwlnâk nan ap mi zawzawng tla hi duh ding hen ma nan ka ruat? Ka sinah bâwlnâk ah dawrâ tla duah ding hen nan hawng ap mi leh nan ran ṭha thâu tla chu ka rangah a tam tuktarâi rawh. Chawchal leh dawrâ leh kêl thisen ka nengtawr rawh.

ISAI 1:11 ပူးပေါင်းရင်းမြစ်များ

SAM 40:6

Thil ap leh bâwlnâk na duh lo le; mâichâm tlûnah ran duah mawh sual veih ding hen bâwlnâk tla na ngiar lo; chu ngâk hen nangmah thu ngâi ding hen nâ na ka pêk.

SAM 50:8

Bâwlnâk leh thil duah nan hawng ap kumza mi ruangah kan simhfâi na mi asi loh.

SAM 51:16

Bâwlnâk tla duh le, ka nan pêk ding mi, duah mi thil ap lakah khawm na lâwm lo.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:27

Misual nih thilsual an tinâk ah mi mang hen bâwlnâk an pêk mi chu LALPA nih a hua.

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

JEREMIA 7:21

“Ka mi tla, bâwlnâk zeimaw mi chu mâichâm tlûnah nan duah hep le, a zeimaw mi chu ei ding hen nan siang. Sikhawmsele, Kei, LALPA nih ka sim mi chu a ektê hen nan ei kho lai ka ti.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

AMOS 4:5

Mâilei ah kal le, Pathian sinah lâwmthu sim hen na sang tla ap le, na ap mi a leifuan chu zumh phahnâk ah mang rawh! Chu tak chu na thil duhkâng asi.

AMOS 5:21

LALPA nih, “Nan kût ni khua tla chu ka huatkâng tak asi, chubang chu kei um khonâk asi lo!

AMOS 5:22

Duah mi thil ap leh sangvut thil ap nan hawng put khawm ah ka pawm lai lo; ran bit tal hen nan châwm mi ka sinah nan hawng put mi khawm ka pawm awtlo.

MIKAH 6:7

Dawrâ sâng tam tak mawh oliv sariak tiva hâwi hen kanglo mi a sinah put sele LALPA â lâwm lai ma? Ka sual mi ruangah ka fa tîr a sinah bâwlnâk ah ka ap lai ma?

HAGAI LASUIBU 2:14

Churawhchun, Hagai nih, “LALPA nih chu hâwitê hen hi phun tla sinah leh an thilneih zawzawng lakah mang ule; churawhchun thil zeizawng mâichâm ah an ap mi chu nawmh hen a um lai,” a ti.

ZEKARIA 7:5

“Ram lakah mi tla leh bâwlpu tla nih kum sâwmsarih sungah thla nganâk leh thla sarihnâk sungah buh an ngei mi chu keimah sunhsaknâk ruangah asi lo,

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MATHAI 22:4

Chun, anih nih chun, ‘Ka sâwm na mi tla sinah khan, ngâinik u, ka puai chu ka timhtuah thluh rawh; ka châwchal tla leh ka ran châwm bit tla ka thah le, zeizawng lîm asi rawh; lâwinâk puai ei ding hawng kal u rawh’ ti u,” ti hen, to-aw dang tla a fial nawlh.

MATHAI 9:13

Chuvachun, ‘Bâwlnâk duh lo hen khuaruatnâk ka duh,’ ti hi a umzia va a sîn u; mirep tak tla lam ding hen hawng kal kasi lo le, misual tla lam ding hen hawng kasi dauh,” a ti.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.