HOSEA 9:4 - Bawm Common Language Bible Version

⁴ Ramdang ah chun LALPA sinah uain tla an ap kho lai lo rawh le, a sinah bâwlnâk tla an ap kho lai lo rawh. Thih ni ah mi buh hâwi hen an ei mi chu a nâwm lai, an sungvâng rehtirnâk cho asi lai le, LALPA Biakin ah lam chun zeikhawm pêk ding mi zât asi lai lo.

HOSEA 9:4 ပူးပေါင်းရင်းမြစ်များ

EXODUS 29:40

Dawrâ fa masa chu sangvut kilogramme khat leh oliv sariak litre khat hen chawmh hen ap. Uain litre khat chu apnâk ding ah tawih.

EXODUS 40:23

LALPA nih thu a pêk mi hâwi hen LALPA sinah ap mi sang chu dawhkân tlûnah a siah.

ISAI 57:6

Chunah mi lung a mil dan mi tla chu nan lâk le, pathian tla hâwi hen nan sawnh. An sinah uain tla ap hen nan thlêt le, fâng thil ap tla nan put piak na. Hi bang zawzawng lakah hin lâwm ding hen ma nan ka ruat?

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

JEREMIA 16:7

Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

JEREMIA 6:20

Seba ram thawk hen rimthâw mawh ram lât takah mi thing rimthâw ka sinah an hawng put mi hi ka sunhsaknâk zei a um? An thil ap tla chu ka pawm awtlo, anna bâwlnâk ah khawm ka lâwm awtlo.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

EZEKIEL 24:22

Churawhchun, ka ti mi chu nan ti lai rawh. Nan mêl nan khuh lai lo le, lungfâk tla ei mi buh nan ei lai lo.

DANIAL 1:8

Danial nih a thinlung hen a ruatnâk ah lal in ah mi uain din ding mi leh ei ding mi tla chu din leh ei thianglo hen a ruat le, churuang chun Aspenaz chu ṭangpi a deih le,

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

HOSEA 7:16

Ka lakah mi chu thiltikhonâk nei lo pathian leikângah an hawng ka pialtâk. Sâikûk zumhkâilo â kuai mi hâwi hen an um. Anmah ruitu tla chu puar tak hen an hawlh ruangah siatnâk lakah an thi lai le, Aigupta mi tla nih an nihsanh lai” a ti.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 1:9

Biakin ah ap ding mi fâng mawh uain mawh khawm a um lo rawh. LALPA rangah ap ding an nei lo rawh ruangah bâwlpu tla khawm an lung a fâk.

JOEL 2:14

LALPA nan Pathian nih a thinlung a lêt lai le, fâng tam tak hen mal an sâwm na lai dahmawh. Churawhchun, fâng leh uain tla a sinah nan ap kho lai.

LEVITICUS 17:11

Thilnung zawzawng nungnâk chu thî lakah a um. Churuangah asi, LALPA nih zapi tla sual thiangnâk ding thî zawzawng chu mâichâm tlûnah tawih ding a ti mi chu. Thî chu nungnâk asi, sual thiangnâk khawm asi.

LEVITICUS 21:17

Aron sinah thusim ding hen thu a pêk le, “Na thlâk tla âukhawm taksa leiah sâwinâk um mi nih ka sinah eiphung thil ap an hawng pêk ding asi lo. Hi hi zeiliau zawng rang ding asi.

LEVITICUS 21:21

Aron bâwlpu thlâk taksa ah sâwinâk um mi khawm nih ka sinah eiphung thil ap an hawng ka pêk kho lai lo.

LEVITICUS 21:6

 thenhlimhtir ding asi, ka min a mualphoh ding asi lo. Ka sinah eiphung thil ap hen â thenhlimhtir ding asi.

LEVITICUS 21:8

Mi nih bâwlpu chu mi thenhlimh ah a ruat ding asi, ka sinah eiphung thil ap aptu asi ruangah. Kei, LALPA kasi; ka thenhlimh le, ka minung tla khawm ka thenhlimh tir na.

AMOS 5:22

Duah mi thil ap leh sangvut thil ap nan hawng put khawm ah ka pawm lai lo; ran bit tal hen nan châwm mi ka sinah nan hawng put mi khawm ka pawm awtlo.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

NUMBER 19:11

Ruak tawnghtu zawng chu dân hâwi hen ni sarih kar a thianglo asi.

NUMBER 28:2

amah lawmhtir ding hen eiphung thil ap herh mi tla, a tik vima ah Israel mi tla nih Pathian sinah pêk ding hen sîntir na ding hen thu a pêk.

NUMBER 4:7

LALPA sinah ap ding mi sang siahnâk dawhkân tlûnah puan dumpâwl phah hen, a tlûnah khêng tla, rimthâw khêng, ap mi khêng, uain ap ding mi dûr siah. Zeiliau zawng ah sang chu dawhkân tlûnah um kumza ding asi.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

DEUTERONOMY 26:14

Ka ulh liau khawm ah chu lakah mi zeikhawm ka ei lo; dân ah thianglo hen ka um khawm ah ka in ah chu lakah mi zeikhawm ka lâk lo; mi thi rangah thil ap ah chu lakah mi zeikhawm ka pêk lo. LALPA, na thu ka ngâi le; parâ lû ah pakhat thu ah na thupêk hâwi hen ka zûl ver.