HOSEA 8:9 - Bawm Common Language Bible Version

⁹ Mâng ah mi sanatung ê-aw ngâilo mi hâwi hen Israel chu amah thu thu hen a um, Asiria chu ṭangpi deih ding leh phundang tla chu hum na ding deih hen a kal ving.

HOSEA 8:9 ပူးပေါင်းရင်းမြစ်များ

2 Lal 15:19

Tiglath Pileser, Asiria lal lianchem nih Israel tla a rûn le, Menahem nih ram lakah thuneihnâk fâk dauh nei kho ding hen Tiglath Pileser ṭangpinâk duh ruangah tangkasa kilogramme sîng thum leh sâng li a pêk.

ISAI 30:2

Keimah thu lo hen Aigupta ah ṭangpi sâwm ding hen an kal. Anmah humtu ding ah Aigupta chu an duh le, churuangah Aigupta lalchem lakah anna ngauh.

ISAI 30:6

Hi hi marlei kângah ramkaro ah mi ramsa tla thu ah Pathian thuchah asi: “Ram ruangrûl ah ruat mi tla chu ram ṭihnungkâi, chakeibaknei tla, rûl tûrnei tla leh rûlpi a zuang mi umnâk ah an kal. An sanatung leh an sangâwngsâu tla chu anmah ṭangpi kholotu ding mi phun rangah pêk ding hen thilpêk man tam tak tla an phurhtir.

JEREMIA 2:24

ramkaro leiah a tek mi hâwi na si. A phawl liauah âunih a khap kho? A duhtu a mipa khawm a nawktir lo, tawng ding tik chu na tawng kumza lai.

HOSEA 12:1

Israel tla nih zîngtê thawk hen zân tiang an ti mi chu thil mang tlâklo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

HOSEA 12:2

LALPA nih Juda le tlûnah sâwinâk a nei; Israel khawm thilsual an ti ruangah a rêp na awt. An thilti man a pêk na awt.

HOSEA 2:10

A duh na mi mâika ah takkaro hen a nipuan ka lît piak lai le, âukhawm nih ka thiltikhonâk lakah mi chu an hum kho lai lo.

HOSEA 5:13

“Israel nih a damlonâk a muh hen Juda nih â liam asi ti a muh tikah chun, Israel chu Siria lal rokual tak ṭangpi deih hen a kal lai le, sikhawmsele anih nih a ṭhattir na hen an mâ tla a damh kho na ding asi lo.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.