HOSEA 8:4 - Bawm Common Language Bible Version

⁴ “Ka mi tla nih lal an thîm le, sikhawmsele mah kawngkâ cho an ruat. Keimah rem tinâk silo hen ruitu tla an thîm. Anmah siat leh râwktu ding ah an tangka leh ngûn chu an milem ah an siam.

HOSEA 8:4 ပူးပေါင်းရင်းမြစ်များ

1 Lal 12:28

Chu hâwi hen a ruat thluh rawh chun, ngûn hen chawchal lem a siam le, a mi tla sinah, “Jerusalem ah Pathian sawnh hen nan kal ding khawm a lât thlo; Israel mi tla, hi hi Aigupta thawk hen an suakpi natu pathian tla an si!” a ti.

1 Lal 13:34

Hi sualnâk a ti mi nih hin a lal thlâk rangah siat leh râwknâk lian tak a tlungtir.

1 Lal 16:31

Jeroboam hâwi hen thilsual a ti mi lâwng tâwk tilo hen Sidon lalchem Ethbaal fanu Jezebel a umpi le, Baal a sawnh sap rih.

JEREMIA 16:20

Mi nih amah rangah pathian tla a siam kho mazei? Siam kho lo e, siam menza khawmsele pathian tak an si lai lo,” an ti lai.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

DANIAL 3:1

Lalchem Nebukadnezar nih ngûn milem a nei le, a sânglei feet 20, a lianh lei feet 9 tling dêng asi. Babulon ram ṭhen Dura phâi ah a siah.

HOSEA 13:1

A lânah Efraim phun tla nih thu an sim liauah Israel phun dang tla an lâu le, Efraim tla rangah an zah na. Sikhawmsele mi nih Baal an sawnh mi ruangah an thi lai.

HOSEA 13:11

Ka thinrun bû hen lal tla ka nan pêk na le, ka thinthawknâk hen ka lâk ving na awt.

HOSEA 13:2

Thîr milem tla leh tangka milem tla, minung thinlung ruatnâk leh kut hen siam mi sawnh hen an sual vima nget rih, “An sinah bâwlnâk pêk u,” ti hen thu an sim. Zeitin minung nih chawchal lem a bangh mi an châwchawk kho zia!

HOSEA 2:8

Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

HOSEA 8:3

sikhawmsele an hawng ka theih lo. Thil ṭha chu duh ṭung ko hen an hawng ka nawng, churuangchun an mêlma tla nih an ṭhâwl na lai.

MATHAI 25:12

Anih lam nih chun, ‘Thungâi tak hen ka nan simh na, ka nan theih na lo asi,’ a ti le, a sâng.

LUK 13:25

In dâwngpu a thawk hen, in a khâr nûnah chun, nannih lênglei ah dîr hen, ‘Lalpa in hawng kan awnh,’ ti hen, inkhâr nan hawng kik tikah anih nih: ‘Kha zei lei mi me nan si ka nan theih na lo;’ ti hen a nan sâng na lai:

LUK 13:27

Chun, anih nih, ‘Ka nan simh na, kha zei lei mi me nan si ka nan theih na lo’ nannih thilsual ti zawzawng tla: ka sinah mi kal ver u,’ a ti teh lai.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

GALATIA 4:9

Tuah Pathian nan theih nûnah lam chun asi lo, Pathian mi theih nan hawng si nûn hin ti ding asi dauh, thilbul chak lo leh dawrlâp sal ah um mi leh nan duhnâk leikângah chun zeitin zia kîr nawlh me nan si? Zei rangah chu tla sal ah um ding nan duh nawlh êu?