HOSEA 7:7 - Bawm Common Language Bible Version

⁷ “An thinthawknâk a sa dak mi hen an lâirêltu tla chu an thah na. An lal tla chu pakhat khat hen an thah na. Sikhawmsele pakhat khawm nih ka sinah ṭangpi deih hen thla an cham lo,” a ti.

HOSEA 7:7 ပူးပေါင်းရင်းမြစ်များ

1 Lal 15:28

Chu chu Juda lalchem Asa nih lâi a rêl mi kum thumnâk ah asi. Churawhchun, Israel lalchem Nadab ruangrûl ah Baasha chu a lal rawh.

1 Lal 16:18

Churawhchun, Zimri nih khua a lâk rawh ti a theih rawh chun lal in kulh sungah a lût le, mei hen a duah khumh le, a thi rawh.

1 Lal 16:22

A nehnûnah chun Omri duhtu lei mi nih an neh na rawh. Tibni chu a thi le, Omri chu a lal rawh.

2 Lal 10:14

Jehu nih a mi tla sinah, “Tleih na ule, a nung hen hawng put na u!” ti hen thu a pêk na. An hawng put na le, khur kiangah a thah na. An ektê hen sâwmli leh panih an si, pakhat khawm nung hen zuah mi an um lo.

2 Lal 10:7

Jehu lasuikuat an muh rawh chun Ahab thlâk tla Samaria ah an um mi sâwmsarih chu an thah hep le, an lû chu pâi lakah an khumh le, Jezreel ah Jehu sinah an kuat.

2 Lal 15:10

Jabes fapa Salum nih lalchem Zekariah chu a phiar le, Ibleam ah a thah; amah ruangrûl ah a lal.

2 Lal 15:14

Gadi fapa Menahem chu Tirzah thawk hen Samaria ah a kal le, Salum rangah a thah le, a ruangrûl ah a lal.

2 Lal 15:25

Pekahiah kawrsen hotu Remaliah fapa Pekah nih Gilead ram ah mi minung sâwmnga anna bawp le, Pekahiah Samaria ah lal in kulh sungah an thah, churawhchun amah ruangrûl ah a lal.

2 Lal 15:30

Juda lalchem Uziah fapa Jotham lâirêl kum kulnâk ah, Elah fapa Hoshea nih lalchem Pekah rangah a phiar le, a thah, a ruangrûl ah amah a lal.

2 Lal 9:24

Jehu nih a chanhtiang a tha hen a kâu le, Joram rangah a kah le, a kêng ah a lût le, a lung a dingh, Joram chu a kari lakah a thi chawlh.

2 Lal 9:33

Jehu nih an sinah, “Kha nunau kha hawng lawnh u!” a ti. An lawnh le, a thî nih vâm leh rang tla a perh hep. Jehu nih a rang kari hen a ruak chu a chîltir le,

JOB LASUIBU 36:13

Pathian nei lo mi tla chu, an thinrun kumza le rêp hen an um khawm ah ṭangpi deih hen thla an cham dahlo.

SAM 14:4

“Thilsual titu tla nih an theih lo masi? Ka mi tla chu an rawk le; Ka sin khawm thla an cham lo,” LALPA nih a ti.

ISAI 43:22

LALPA nih, “Israel, na hawng ka neng rawh ma hi; na hawng ka sawnh lo thlo rawh.

ISAI 64:4

A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

DANIAL 9:13

LALPA, Pathian, tutiang khawm ah kan sual tla lêt hen thudik zûl hen nangmah lawmhtir kan tum lo nget rih.

HOSEA 13:10

Lal leh ruitu tla nan ngiar na, sikhawmsele annih nih zeitin phun an hum kho awt?

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

HOSEA 7:10

Israel mi tla zumhnâk chu anmah zolanghtu asi. Chubang zawzawng thil a hawng tlung khawm ah kei, LALPA, an Pathian sinah an hawng kîr lo.

HOSEA 7:14

Zumhkâi tak hen ka sinah thla an cham lo, sikhawmsele, lunglo tla ti dân hâwi hen an tlû hen an lung anna fâktir. Uain leh fâng tla duh hen thla an cham liau khawm ah lunglo tla hâwi hen an taksa an ât.

HOSEA 8:4

“Ka mi tla nih lal an thîm le, sikhawmsele mah kawngkâ cho an ruat. Keimah rem tinâk silo hen ruitu tla an thîm. Anmah siat leh râwktu ding ah an tangka leh ngûn chu an milem ah an siam.

MIKAH 2:1

It lo hen an zâu mi leh thilsual ti tumtu tla rangah chun ṭihnung a kâi a! Zînglei asi rawh chun, tik remchâng an tawng kâ hen an tum hâwi hen thilsual an ti.