HOSEA 7:16 - Bawm Common Language Bible Version

¹⁶ Ka lakah mi chu thiltikhonâk nei lo pathian leikângah an hawng ka pialtâk. Sâikûk zumhkâilo â kuai mi hâwi hen an um. Anmah ruitu tla chu puar tak hen an hawlh ruangah siatnâk lakah an thi lai le, Aigupta mi tla nih an nihsanh lai” a ti.

HOSEA 7:16 ပူးပေါင်းရင်းမြစ်များ

SAM 12:3

LALPA! sawr telenâk kâ chu bângtir le, khâwngnâk kâ tla chu phih piak na.

SAM 12:4

“Kan thu hen kan duh mi chu kan tawng. Kan duh mi zawng kan sim, âukhawm nih hawng kan khap kho lo.”

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 17:10

pawi tinâk nei lo hen puar tak hen an hawlh.

SAM 52:2

Midang tla râwk ding na tum le, na lei chu ziahdâr a hâr mi hâwi asi, âwkrâwl na hâwl kumza.

SAM 57:4

Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

SAM 73:9

Vân Pathian chu an sâwi le, tual ah minung rangah zauhnawmhnâk thupêk tla an pêk.

SAM 78:37

A lakah an diklo le, an thutiam lakah zumh an kâi lo.

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

EZEKIEL 23:32

LALPA Zahkâi nih, “Na unaunu hâi lian tak leh thûk tak lakah mi na din lai. Mikip nih hâi a khat rawh ti hen a nan zauhnawmh hen a nan nihsanh lai.

EZEKIEL 36:20

An va kalnâk kip ah mi tla nih, ‘Hi minung tla nih hin an Pathian nih a pêk na mi ram an kaltâk’ an ti na ruangah ka min thenhlimh an mualphoh.

DANIAL 7:25

Anih nih Pathian rokual kalh hen thu a sim lai le, Pathian mi tla a nehsawh na lai. Anih nih an phung dân leh kût ni tla dangtîr a tum lai le, kum thum leh a khing chu Pathian mi tla chu amah thuneihnâk tangah an um lai.

HOSEA 11:5

“Ka sinah kîr ding an duh lo, churuangah Aigupta leiah an kîr lai le, Asiria nih an tlûnah lâi a rêl lai.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

HOSEA 7:13

“An vânduai rawh! An ka nawng le, ka lakah an hel. An vei lai, hum na ding ka duh le, sikhawmsele an ka sawnh dân a diklo.

HOSEA 9:3

Israel mi tla chu LALPA ram ah an um kumza lai lo le, Aigupta ram ah kîr nawlh hen Asiria ram ah khap mi buh an ei lai.

HOSEA 9:4

Ramdang ah chun LALPA sinah uain tla an ap kho lai lo rawh le, a sinah bâwlnâk tla an ap kho lai lo rawh. Thih ni ah mi buh hâwi hen an ei mi chu a nâwm lai, an sungvâng rehtirnâk cho asi lai le, LALPA Biakin ah lam chun zeikhawm pêk ding mi zât asi lai lo.

HOSEA 9:6

Siatnâk ni a hawng tlung tikah mi tla chu anna rekrâwi lai le, Aigupta mi tla nih Memphis khua ah vûi na ding hen an pumh na lai! An tangka siahnâk leh an in tla dirh hen a um rawh mi tla chu belh leh bualingnei tla nih a khuh dep lai.

MALAKI 3:13

“LALPA nih, ‘Nannih nih, ka thu hi thil ṭihnungkâi asi nan ti,’ a ti. Sikhawmsele nannih nih, ‘Na thu zei hâwi hen kan sim’ nan ti le,

MALAKI 3:14

‘Pathian rianṭuan hi zeikhawm asi lo nan ti mi ruangah, LALPA nih a sim mi hâwi a thilti mawh thil kan ti rawh mi lakah pawi kan ti mi thu a sinah va langh ding tum hi zei me a ṭhatnâk a um?’ nan ti.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

JEM 3:5

Chu hâwi ber hen lei khawm hi taksa ṭeng mêtê asi le, thungâi â khâwng tâwn. Mei chî tê nih thingmun a khangh fâk zia hi ruat nik u!

2 PETER 2:8

Chu mirep chu an lakah um hen, a mit hen a muh na le, a nâ hen a theih na le, misual tla umdân ṭhalo tak nih chun nisiar a thinlung an fâktir tâwn.

THUPHUANG 13:5

Chun, sarâng chu sual thu ṭihnungkâi tak sim ding leh thla sâwmli leh thla nih thuneihnâk pêk asi.