HOSEA 6:3 - Bawm Common Language Bible Version

³ LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

HOSEA 6:3 ပူးပေါင်းရင်းမြစ်များ

2 SAMUEL 23:4

Vândâwm lo hen khuadei lakah nî a chêu mi hâwi asi. Ruah nûnah nî nih belh tla a tlektir mi hâwi asi,” ti hen.

JOB LASUIBU 29:23

Ruah mal a tlâ mi hâwi hen, ka thu chu a mantalâ le, phâisen tuahtu tla nih ruahtîr an lawmh mi hâwi hen, mikip nih ka thusim an lawmh.

SAM 19:4

Sikhawmsele, a aw-hâu chu laikulh zawzawngah a thang le, tual dawnghnâk tiang theih asi. Pathian nih nî rangah vân ah khin in a siam le;

SAM 19:6

Khatlei vân dawnghnâk thawk hen a khatlei kâng dawngh tiang tan phak hen a kal. A linhnâk chu zeikhawm nih a phenh kho lo.

SAM 63:8

Na bân ah ka âwk le, na kut hen him tak hen na ka kil.

SAM 65:9

Ruah na sûrtir mi nih ram na kilkâwi zia a langhtir le; neih tirnâk leh ṭhattirnâk na pêk. Tiva tla chu tî hen na khattir le; tual tla chu rah na suahtir. Na ti dân chu hi hi asi:

SAM 72:6

Lal chu a lo lakah ruah a sûr mi hâwi leh ram lakah chî vawrh a tlâ mi hâwi si seh.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

JEREMIA 24:7

Kei, LALPA kasi ti theih ding duhnâk ka pêk na lai. Churawhchun, ka sinah an thinlung zawzawng hen an hawng kîr awt rawh ruangah annih chu ka mi le an si lai le, Kei, an Pathian kasi lai.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

HOSEA 10:12

Nan rangah ‘Tual thar nâwn ule, rêpnâk phun hen malsâwmnâk ât ule, ka sinah nanna pumpêknâk a lang lai. Kei, nan LALPA sinah nan hawng ding hen a tik a tlung rawh le, a hawng lai le, nan tlûnah malsâwmnâk ka nan tawih lai,’ ka ti.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

HOSEA 14:6

Chawrh thar hen an nung lai le, oliv thing tla hâwi hen anna dawh lai. Lebanon tlângah sidar thing hâwi hen an rimthâw lai.

HOSEA 2:20

Ka thutiam chu ka kil kumza lai le, an theihtir lai; nang khawm nih LALPA na ka ti lai rawh.

MIKAH 4:2

Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MIKAH 5:7

Israel mi lakah a dam rih mi tla chu LALPA nih dâmtî phun tam tak rangah a hawng tlâktir mi hâwi hen leh a fachî tuhtu nih thlâi a chîng mi hâwi an si lai. Minung silo hen Pathian an ngauhsan lai rawh.

ZEKARIA 10:1

Ṭhal ah ruah sûr ding hen LALPA rangah deih u. Mikip rangah ruah sûrtir hen phâisen ring dul tirtu chu LALPA asi.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

DEUTERONOMY 32:2

Ka sîntirnâk tla chu ruah hâwi hen a sûr lai le, dâmtî hâwi hen tual tlûnah a um lai. Ka thu tla chu thlâi keuh no leh belh no lakah ruah a sûr mi hâwi asi lai.

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.