HOSEA 5:3 - Bawm Common Language Bible Version

³ Israel nih zei a bangh, ka theih ko. Ka lakah mi â thup kho ding asi lo, zumh a kâi lo, a mi tla chu kei hawng ka sawnh ding hen a tlâklo,” a ti.

HOSEA 5:3 ပူးပေါင်းရင်းမြစ်များ

ISAI 7:16

Chu a tik tlung lân khawm ah a nan ṭhih natu lalchem panih ram chu kaltâk asi lai.

ISAI 7:17

“LALPA nih na tlûnah, na mi le tla tlûnah, lal dâwngsung tla zawzawng tlûnah Israel ram Juda lakah mi â ṭhennâk thawk hen a hawng tlung mi ngâk a nawknâk zual kâi dauh a hawng tlungtir awt, anih nih chun Asiria lalchem a hawngpi awt.

ISAI 7:5

Siria leh Israel leh an lalchem tla hen thu an thlûk.

HOSEA 1:2

LALPA nih Hosea mang hen Israel tla sinah thu a simtir liau ah Hosea sinah, “Kal le, nupi va nei le, na nupi chu mi zumhkâilo asi lai le, nan fa tla khawm amah hâwi an si lai. Chu hâwitê hen ka mi le tla nih an hawng ka mâk le, zumhkâilo hen an um, a ti.

HOSEA 12:1

Israel tla nih zîngtê thawk hen zân tiang an ti mi chu thil mang tlâklo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

HOSEA 13:1

A lânah Efraim phun tla nih thu an sim liauah Israel phun dang tla an lâu le, Efraim tla rangah an zah na. Sikhawmsele mi nih Baal an sawnh mi ruangah an thi lai.

HOSEA 13:5

Ramkaro châr ah ka nan kilkâwi na mi nan si.

HOSEA 5:11

Israel chu nehsawhnâk a tuar le, a bîk hen a tâ asi mi ram chu a thlâu rawh, a san chu pêk ding nei lo mi tla rangah kal hen va ṭangpi na ding a êng ruangah.

HOSEA 5:13

“Israel nih a damlonâk a muh hen Juda nih â liam asi ti a muh tikah chun, Israel chu Siria lal rokual tak ṭangpi deih hen a kal lai le, sikhawmsele anih nih a ṭhattir na hen an mâ tla a damh kho na ding asi lo.

HOSEA 5:9

Rêpnâk ni a hawng tlung rawh, Israel chu siat leh râwk hen a um lai. Israel mi tla, hi hi a hawng tlung ngelchel lai!

HOSEA 6:10

Israel ram ah thil ṭihnungkâi tak ka muh. Ka mi tla nih milem sawnh hen anmah anna nawmh.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

HOSEA 8:11

“Israel mi tla nih an sual veih ding hen mâichâm an siam tam bilik leh an sualnâk mun a tam!

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

DEUTERONOMY 33:17

Josef nih chun chawchal chaknâk, Ram chawchal ki a nei. A ki tla chu Manaseh phun sâng khat leh Efraim phun sâng râ an si. Chu tla hen chun phun tla chu a suk na le, Kâwlkil tiang hen a nâwr na,” a ti.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

THUPHUANG 3:15

Na thilti tla ka theih, na kîk lêm lo, na lum lêm lo mi hi, na kîk mawh na lum mawh ding hi ka nan duh asi!