HOSEA 5:1 - Bawm Common Language Bible Version

¹ “Nannih bâwlpu tla, hi hi ngâi u! Israel mi tla, ngâi u! Nannih lal dâwngsung si mi tla, ngâi u! Dik tak hen lâi nan rêl ding asi. Nan tlûnah lâirêlnâk a hawng tlung lai. Mizpah ah chun thang nan si le, Tabor tlâng tlûnah lên zâr mi nan si,

HOSEA 5:1 ပူးပေါင်းရင်းမြစ်များ

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 13:18

LALPA nih ka sinah, “Lalchem leh a nu chu an lallukhuh dawh tak an lû lakah mi a tlâ rawh ruangah an laltophah ah mi chu ṭum ding hen simh na.

JEREMIA 46:18

Kei, LALPA Zeizawng tikho chu lalchem kasi. Pathian nung kasi. Tabor tlângah insâng tla nih tlâng sâng tla a lanh mi leh Karmel tlâng tla chu tipi ngâk hen a sâng mi hâwi hen a nan dotu chaknâk chu asi lai.

HOSEA 10:15

Nannih Bethel khua mi tla, thil ṭihnungkâi nan ti mi ruangah chu hâwi chu nan lakah a hawng tlung awt. Tuknâk â dawmh kâ hen Israel lal chu a thi sawm lai a ti.

HOSEA 13:8

Vawm a fa a thlâu mi hâwi hen ka nan do lai le, ka nan thlêk ver lai. Na um mun ah chakeibaknei hâwi hen ka nan veih lai le, ramsa hâwi hen ka nan sâm dip lai.

HOSEA 4:1

LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

HOSEA 6:9

Bâwlpu tla khawm rawkmang tla nih mi an bawh mi hâwi asi. Sekem mun thenhlimh lei mi lampi tiang khawm ah mi an thah. Ngelchel hen chubang hâwi sual tla chu an ti.

HOSEA 9:8

Israel mi tla theihtirtu ding ah Pathian nih khuavâng ah hawng ka fial. Sikhawmsele ka kalnâk mun kip ah thang nih va a awh mi hâwi hen tleih ding nan hawng ka tum. Pathian ram ah mi tla chu khuavâng mêlma tla an si.

JOEL 1:2

Nannih tar tla leh Juda ram ah um mi zawzawng tla, nan nâ thlîr hen ngâi u. Hi bang hâwi mi thil hi nanmah san ah leh nan pa san ah a tlung dah tâwn ma?

AMOS 3:1

Israel mi tla, Aigupta ram thawk hen suak mi phun zawzawng nih LALPA nih nan thâwngthâng a sim mi thuchah hi ngâi u:

AMOS 7:9

Isak thlâk tla nih an sawnhnâk mun tla chu râwk asi lai. Israel tla mun thenhlimh chu râwk hen a um lai. Jeroboam lal sinâk chu ka dawnghtir lai,” a ti.

MIKAH 3:1

Nannih Israel lâirêltu tla, ngâi u! Diknâk leikâng duhtu siding hen ruat nan si mi lakah a ṭha leikâng nan hua le,

MIKAH 3:9

Israel lâirêltu tla, diknâk hua hen, diknâk chu diklonâk ah changtirtu, ka thu ngâi u.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MALAKI 2:1

LALPA Zeizawng tikho nih bâwlpu tla sinah, “Hi hi nan rangah thupêk chu asi:

LÂIRÊL 4:12

Sisera nih Barak chu Tabor Tlâng leiah a kâi ti a theih rawh chun,

LÂIRÊL 4:6

Nikhat chu Barak, Abinoam fapa Naphtali ram ah mi Kades khuapi mi chu a kawh le, a sinah, “LALPA, Israel Pathian nih hi thupêk hi a nan pêk asi: ‘Naphtali leh Zebulun phun ah mi minung singkhat put na le, Tabor Tlâng leiah kalpi na.

1 SAMUEL 7:16

Kum siar hen Bethel, Gilgal, Mizpah ah a va kal tâwn le, thunawk tla a va remh tawn.

1 SAMUEL 7:5

Churawhchun, Samuel nih Israel mi tla chu Mizpah ah a tawng ding hen a chah na le, “Chunah chun LALPA kan ngiar piak na lai,” a ti.

1 SAMUEL 7:6

Churawhchun, Israel tla chu Mizpah ah anna pûm hep rawh. Tî an tan le, LALPA sinah thil ap rang ding ah an thlêt le, nî tlâk an ulh. “LALPA lakah thilsual kan ti,” an ti. (Samuel nih Mizpah ah Israel tla remlonâk thu a chek.)