HOSEA 4:7 - Bawm Common Language Bible Version

⁷ “Nan lakah bâwlpu an tam bilik leh ka lakah nun sualtu nan tam; churuangah zah nan kâinâk chu nan rangah ningzakkâinâk ah ka siam lai.

HOSEA 4:7 ပူးပေါင်းရင်းမြစ်များ

Ezra lasuibu 9:7

Hawng kan thlâktu san liau thawk hen tutiang kannih na mi tla nih sual rokual tak kan ti asi. Kanmah leh kan lal leh kan bâwlpu tla sualnâk ruangah ramdang mi lal tla kut ah tleih hen kan um le, thah leh râwk hen sal ah put hen kan um. Tusûn ni tiang hen ningzakkâi dawnghnâk hen kan um.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

HOSEA 10:6

Chu milem chu Asiria leiah an kalpi lai le, tlawmhnâk rangah lal sinah an pêk lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

HOSEA 13:6

Sikhawmsele, ram ṭha ah nan lût le, nan paw a khawp le, nan duh mi a tling rawh, churawhchun nanna zûm le, nan ka philh rawh.

HOSEA 4:10

Bâwlnâk ah nan vo nan ei lai le, sikhawmsele nan khim lo nget lai. Pathian dang zûl ding duh hen nan ka hertâk ruangah, thlâi ṭhattirtu pathian chu nan sawnh lai le, sikhawmsele fa tla nan nei lai lo,” a ti.

HOSEA 5:1

“Nannih bâwlpu tla, hi hi ngâi u! Israel mi tla, ngâi u! Nannih lal dâwngsung si mi tla, ngâi u! Dik tak hen lâi nan rêl ding asi. Nan tlûnah lâirêlnâk a hawng tlung lai. Mizpah ah chun thang nan si le, Tabor tlâng tlûnah lên zâr mi nan si,

HOSEA 6:9

Bâwlpu tla khawm rawkmang tla nih mi an bawh mi hâwi asi. Sekem mun thenhlimh lei mi lampi tiang khawm ah mi an thah. Ngelchel hen chubang hâwi sual tla chu an ti.

HOSEA 9:11

Israel tla rokualnâk chu va hâwi hen a zuang ving le, an lakah tê leh fa ringnâk a um lai lo le, nunau râi leh fa ringtu khawm a um lai lo rawh.

HABAKUK 2:16

Chu ruangrûl ah nang khawm mi nih an zah ding ngâk hen mualphoh hen na um lai. Nang ngelchel khawm na din hen na hâwr lai. LALPA nih an rêpnâk hâi na din lai. Zah hen na umnâk chu ningzak hen a um lai.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.