HOSEA 4:6 - Bawm Common Language Bible Version

⁶ Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

HOSEA 4:6 ပူးပေါင်းရင်းမြစ်များ

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

JOB LASUIBU 36:12

Sikhawmsele, chu hâwi asi lo chun, â tak hen an thi lai le, tiva kanh hen thihnâk laikulh ah an kal lai.

SAM 119:139

Ka mêlma tla nih na dân an siarlo ruangah, mei hâwi hen ka thinthawknâk chu ka lakah a alh.

SAM 119:153

Na dân thu ka thlawrhthlâu lo ruangah, ka tuarnâk tla hi zauh le, ruang hawng ka suah.

SAM 119:61

Misual tla nih ka rangah thang an tunh le, sikhawmsele na dân chu ka philh lo.

SAM 18:27

 nâutir mi tla chu ruang na suah le, anna zûm mi na nâutir.

THUFING LASUIBU 10:21

Mi ṭha thusim chu mi tam tak ṭhatnâk asi. Sikhawmsele na mâwlnâk ruangah na thah kho.

THUFING LASUIBU 19:2

Mi thanuam krai thiamlo chu a ṭhalo. Sûm kholonâk nih nawknâk a umtir.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 29:12

Mi âumawh a rêl kho lo mi sinah nan va pêk hen a nan rêl piak na ding hen ngiar khawm ule, “zei hâwi asi ka theih lo,” ti hen a nan sâng na lai.

ISAI 3:12

Tangka pûktirtu tla nih ka mi tla an nehsawh na le, lei anna batnâk tla nih an perpet na. Ka mi le tla, an rui natu tla nih a mahlo leiah an kalpi na le, churuangah zei lei lampi ah pial ding asi ti nan theih loh.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 5:13

Churuangah rêngtlâk hâwi hen an kalpi ving lai. A nan rui natu chu buh ngei hen an thi lai le, mi zapi tla chu tîhâl hen an thi lai.

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

EZEKIEL 44:23

“Bâwlpu tla nih ka mi le chu thil thenhlimh leh thenhlimhlo â bang lonâk, dân hâwi hen thiang mi leh thianglo mi an sîntir ding asi.

HOSEA 13:6

Sikhawmsele, ram ṭha ah nan lût le, nan paw a khawp le, nan duh mi a tling rawh, churawhchun nanna zûm le, nan ka philh rawh.

HOSEA 2:13

Keimah hawng ka philh hen Baal sinah rimthâw duah hen lungmantam hen â thuam le, amah duh mi tla a ṭhâwl na mi man ruangah ka rêp awt. LALPA nih a sim mi asi.

HOSEA 4:1

LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

HOSEA 4:12

Thing phel tla rangah thu an deih le, ṭhianṭhunh nih an duh mi thu a simh na! Kei lam chu an ka nawng, nunau â zuar mi hâwi hen pathian dang tla sinah anna pêk.

HOSEA 4:14

Sikhawmsele, chu mi ruangah annih tla chu ka rêp na awtlo, nanmah ngelchel khawm â zuar mi biakin ah nan kal hen anmah tla hen bâwlnâk ap mi nan si ruangah. Thufing nih, ‘Theihnâk nei lo mi tla chu anna râwk lai,’ ” a ti mi hâwi hen

HOSEA 5:4

Pathian sinah an hawng kîr ding mi an thilsual ti nih a kham pang. Milem an sawnhnâk a zual tuktarâi le, LALPA an theih phah lo rê.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.

HOSEA 7:9

phun dang tla lakah anna ngauh mi nih an chaknâk a veih ti an theih loh. An ni tla chu rêl hep asi le, sikhawmsele chu hâwi asi ti an theih lo nget rih.

HOSEA 8:1

LALPA nih, “Mêlma chu ka ram ah mupi hâwi hen a hawng a thlûr! Râlringnâk hâu âwntir u! Ka mi tla nih an sinah thudân ka tuk mi an buar le, ka sîntir na mi lakah an hel.

HOSEA 8:12

Rêl châwklo rê hen anmah sîntirnâk ka rîn le, ramdang mi leh thil dang hâwi hen an nawng tlak.

HOSEA 8:14

“Israel tla nih in tam tak an sak le, sikhawmsele anmah Siamtu chu an philh ving. Juda mi tla nih kulhnei khuapi tla an dirh. Sikhawmsele an in leh an khuapi tla khanghtu mei ka fial mi nih a khangh hep lai,” a ti.

HOSEA 9:17

A thu an ngâilo ruangah, a rian a ṭuan mi Pathian nih a mi tla chu a nawng na lai, phun tla nâwngah vei leh vâk hen an um lai.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 15:8

‘Hi minung tla nih hin an kâ hen an ka chawnglawmh le, an thinlung lam nih chun an ka lât tâwn.

1 SAMUEL 2:12

Eli fapa tla chu mi rualo tak an si, LALPA thu khawm an ngâilo.