HOSEA 4:2 - Bawm Common Language Bible Version

² Thu an tiamh le, an buar lîlâ, âwkrâwl an sim, mi an thah, an fîr, ṭângdang an pawm, buarnâk a pung, pakhat leh pakhat thahnâk a um.

HOSEA 4:2 ပူးပေါင်းရင်းမြစ်များ

GENESIS 4:8

Kain nih a unaupa Abel sinah, “Phâisen ah kan kal lai,” a ti. Phâisen leiah an kal rawh chun a naupa leiah Kain chu â her le, a thah rawh.

ISAI 24:5

Mi tla nih tual chu Pathian dân buar hen leh thudântuk zungzâl um ding mi chu râwk hen an nawmh.

ISAI 48:1

Juda thlâk Israel mi tla, hi hi ngâi u: LALPA min hen Israel Pathian sawnh ding thu nanna tiam le, sikhawmsele thu nan sim hâwi hen tumnâk nan nei lo.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

JEREMIA 6:7

Tikhurchawh nih tî thar a kil mi hâwi hen, Jerusalem nih a thilsual thar chu a kil thlir. Khuapi sungah siat leh râwknâk hâu ka theih; damlonâk leh liam mi tla zawzawng ka muh.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 7:23

“Thil zeizawng a nawk hep, ram chu thahnâk hen a khat le, khuapi tla chu siatnâk hen a khat.

HOSEA 10:13

Sikhawmsele, chu hâwi ti ngâk hen sualnâk nan phun le, a rah nan kawih, nan âwkrâwl thusim nih a rah a hawng suah mi chu nan ei. “Nan kari leh kawrsen a tam mi nanna rinhsan ruangah, nan mi tla lakah râltuknâk a hawng tlung lai le, nan kulh zawzawng a râwk hep lai.

HOSEA 10:4

Thu salam an sim le, âwkrâwl hen thu an tiamh le, zeikhawm silo mi remnâk an siam. Diknâk chu diklonâk ah a hawng a chang le, phâisen nâwn mi lakah belh tûrnei a kho mi hâwi an si.

HOSEA 11:12

LALPA nih, “Israel nih an âwkrâwl thusim leh an perpetnâk nih an hawng ka kulh pang. Juda mi tla khawm nih, kei, mi zumhkâi leh Pathian thenhlimh tlûnah an hel kumza nget rih.

HOSEA 12:14

Israel mi tla nih LALPA chu fâk tak hen a thin an runtir le; an mawhnâk chu thih phah rê ding tluk asi. LALPA rangah ningzak an saih ruangah anmah a rêp na lai.

HOSEA 5:2

Akasia khuapi ah chun khur thûk tak nan si, nan ektê hen kan rêp na awt.

HOSEA 6:8

Gilead chu misual leh mi thahtu umnâk khuapi asi.

HOSEA 6:9

Bâwlpu tla khawm rawkmang tla nih mi an bawh mi hâwi asi. Sekem mun thenhlimh lei mi lampi tiang khawm ah mi an thah. Ngelchel hen chubang hâwi sual tla chu an ti.

HOSEA 7:1

“Ka mi Israel tla damh na ding leh an sul-le-lam tluangtir ka duh zâwn khawm ah an sualnâk leh an ṭhatlonâk zawzawng ka muh tâwn. Pakhat leh pakhat anna perpet; in tla an siat le thil an fîr, zâwllâi ah mi an rawk.

HOSEA 7:3

LALPA nih, “Mi nih an thilsual an ruatnâk hen lal leh milian tla an perpet na.

HOSEA 7:4

An ektê hen mi zumhkâilo an si. Mi an huatnâk chu lungthû kâ ah mei a muat mi, sang emtu nih sang em ding hen a timhtuah zet hen a sêm lo rih mi hâwi asi.

MIKAH 3:2

sual leikâng chu nan duh, ka mi tla nung bû hen an vun nan lîk le, an ruh lakah mi an sa tla nan khelh.

MIKAH 3:9

Israel lâirêltu tla, diknâk hua hen, diknâk chu diklonâk ah changtirtu, ka thu ngâi u.

MIKAH 6:10

Misual in tla ah chun diklo tak hen an tawng mi thil-le-rî a um, ka huatkâng tak hen tahnâk diklo an mang.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

ZEPHANIAH 3:1

Jerusalem râwk hen um mi, mah minung tla nehsawhtu khuapi chu a vânduai rawh.

ZEKARIA 5:3

Churawhchun, anih nih, “Chu lakah chun, ram pumpi tlûnah siat kal ding mi â rîn. Lasuibuzual sîr khatlei nih chun, ‘Ram lakah mifîr zawzawng tlâutir hep an si lai’ ti a sim, khatlei sîr nih chun ‘Âwkrâwl hen siat tleihtu vial chu lâk phin asi lai’ ti a sim ber.

ZEKARIA 7:9

“A lân thawk hen ka mi tla sinah hi thupêk tla hi ka pêk na rawh: ‘Rep tak hen thil nan ti ding asi, nan lakah khatlei khatlei vêlneih suah ule, khuaruat u.

MATHAI 23:35

Chuvachun, Abel mirep tak thahnâk thawk hen Pathian Biakin leh mâichâm karah Barakia fapa Zekaria nan thah mi tiang khan, tual tlûnah mirep an thah mi zawzawng chu nanmah tlûnah rêpnâk a hawng tlung kho lai.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

DEUTERONOMY 5:11

“ ‘Sual leikâng rang ding ah ka min mang lah u, Kei, LALPA nan Pathian âuzawng ka min diklo tak hen mangtu tla rêptu kasi.

DEUTERONOMY 5:18

“ ‘Ṭang dang pawmtâk lah.

DEUTERONOMY 5:19

“ ‘Fîr lah.

1 THESALONIKA 2:15

chubang Juda tla nih chun Lalpa Jisu leh khuavâng tla khawm an thah le, kannih khawm hawng kan nar le, Pathian an lawmhtir lo, mi zawzawng an kalh tâwn;

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.