HOSEA 4:1 - Bawm Common Language Bible Version

¹ LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

HOSEA 4:1 ပူးပေါင်းရင်းမြစ်များ

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

SAM 81:9

Pathian dang rerêng nan sawnh ding asi lo.

ISAI 1:10

Jerusalem, na lâirêltu leh na minung tla chu Sodom leh Gomorah ah um mi tla hâwi an si rawh. LALPA nih na sinah thu a nan simh mi hi ngâi rawh. Kan Pathian nih a nan sîntirnâk ah hin ngâi set rawh.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 28:14

Tuah nannih mi zauhnawmh mang, Jerusalem ah hi bang mi tla tlûnah lâirêltu tla, LALPA thusim ngâi u.

ISAI 34:1

Phun zawzawng lakah mi tla, hawng u! Hawng a pûm ule, ngâi u. Tual leh a tlûnah um mi zawzawng hinah hawng ule, ngâi u.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 5:3

Churuangah ka hâwipa nih, Nannih Jerusalem ah um mi tla leh Juda mi tla, ka grep dûm leh keimah kar lakah mi thu hi tuah lâi hawng rêl u.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

ISAI 59:8

chubang hâwi nan um mi lakah chun âukhawm a him lo. Thil zeizawng nan ti mi chu a diklo hep. Lampi ngâwi nan zawh le, chu lampi ah kal mi chu âukhawm an him dah lai lo.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 19:3

LALPA nih sim ding hen thu hawng ka simh le, “Nannih Juda lalchem tla leh Jerusalem khua mi tla, Kei, LALPA Zeizawng tikho, Israel Pathian nih thu ka sim ding mi hi ngâi u. Hi mun ah hin siatnâk ka tlungtir awt, âuzawng chu thu theihtu chu a â thlo lai.

JEREMIA 2:4

Nannih Jakob thlâk tla, nannih Israel phun tla, LALPA thuchah ngâi u.

JEREMIA 2:9

“Churuangah Kei, LALPA nih ka mi tla lakah ka thunawk ka sim awt nawlh. An thlâk tla rangah ka phiar na awt.

JEREMIA 25:31

tual dawngh tiang hen a rî hâu a thangkhâwk lai. LALPA nih phun tla lakah thunawk a nei. Mi zawzawng chu a nik na lai le, misual tla chu a thah na lai. LALPA nih a sim asi,’ ” a ti.

JEREMIA 34:4

Zedekiah, na thu ka sim mi hi ngâi rawh. Râltuknâk ah chun na thi lai lo.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 4:28

Tual chu a lungfâk lai le, vân a mûi lai. LALPA nih chun a sim rawh le, a thinlung a lêt lai lo. Thu a thlûk rawh mi chu a lêt nawlh lai lo rawh.

JEREMIA 5:4

Churawhchun ka dawn le, “Hi bang tla hi mipâm leh mi mâwl cho an si. An umdân khawm a mâwl tuk; an Pathian nih a duh dân khawm an theih lo, LALPA nih ti ding hen a duh na mi khawm an theih lo.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 7:28

Nan phun tla nih LALPA an Pathian khawm an theih lo, a rêp na mi khawm an theih lo ti hen simh na. Zumhkâinâk chu a thi rawh. A thu khawm sim asi lo rawh.

JEREMIA 9:20

Kei nih, “Nannih nunau tla, LALPA thu ngâi ule, a thusim leikângah nan nâ thlir u. Ulh ding dân nan fanu tla sîntir na ule, nan hâwi le tla mithi vûinâk la sak ding hen sîntir na u.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 16:35

Churawhchun, tuah, Jerusalem mi hur nu! LALPA thusim ngâi rawh.

HOSEA 12:2

LALPA nih Juda le tlûnah sâwinâk a nei; Israel khawm thilsual an ti ruangah a rêp na awt. An thilti man a pêk na awt.

HOSEA 12:3

An thlâktu Jakob nih fa phîr a suakpi mi a unaupa Esau rangah an nu paw sungah an um liauah a sualpi le, Jakob chu a lian nûnah Pathian a sualpi,

HOSEA 5:1

“Nannih bâwlpu tla, hi hi ngâi u! Israel mi tla, ngâi u! Nannih lal dâwngsung si mi tla, ngâi u! Dik tak hen lâi nan rêl ding asi. Nan tlûnah lâirêlnâk a hawng tlung lai. Mizpah ah chun thang nan si le, Tabor tlâng tlûnah lên zâr mi nan si,

HOSEA 5:4

Pathian sinah an hawng kîr ding mi an thilsual ti nih a kham pang. Milem an sawnhnâk a zual tuktarâi le, LALPA an theih phah lo rê.

JOEL 1:2

Nannih tar tla leh Juda ram ah um mi zawzawng tla, nan nâ thlîr hen ngâi u. Hi bang hâwi mi thil hi nanmah san ah leh nan pa san ah a tlung dah tâwn ma?

AMOS 3:1

Israel mi tla, Aigupta ram thawk hen suak mi phun zawzawng nih LALPA nih nan thâwngthâng a sim mi thuchah hi ngâi u:

AMOS 7:16

Churuangah tuah LALPA thusim chu ngâi rawh, ka thusim leh Israel tla tlûnah thinthawknâk chu bâng ding lam na hawng ka simh rih.

MIKAH 6:2

Nannih tlâng sâng tla, nannih zungzâl lungphûm tla, LALPA thunawk ngâi u! Israel tla lakah LALPA nih thunawk a nei, Israel tla chu a phiar na awt.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

THUPHUANG 2:11

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu vial chu thih nihnâk nih zeitin khawm a ti lai lo, a ti” ti hen.

THUPHUANG 2:29

“Thlarau nih kawhmi tla sinah thu a sim mi hi nâ a nei mi nih chun theih na seh, a ti” ti hen.