HOSEA 3:4 - Bawm Common Language Bible Version

⁴ Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

HOSEA 3:4 ပူးပေါင်းရင်းမြစ်များ

GENESIS 31:19

Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr.

GENESIS 31:34

Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

2 SAMUEL 6:14

David nih a tâi ah puannêm mangṭhia cho â ruk le, LALPA chawnglawmh hen a chelhri a lâm.

2 Lal 23:24

Biakin ah Dân rînnâk bu bâwlpu lalchem Hilkiah nih a tawng mi chu zûl rawh ding hen lalchem Josiah nih Jerusalem thawk hen Juda ram zawzawng mi tin-tlah-ninh thiam, vânsia vânṭhat simtu, dâwngsungkhur pathian tla, milem tla leh lunglotu tla pathian sawnhnâk thil zawzawng a veih phin.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

EXODUS 28:4

Bâwlpu ir ah bêk mi, ephod leh bâwlpu kawrdawh fual, thuamh mi kawrdawh, bâwlpu upâwng leh tâisâwm siam ding hen simh na. Chu tla nih chun bâwlpu thuam na unaupa leh a fapa tla rangah siam piak na sele, ka sinah bâwlpu rianṭuan na seh.

EXODUS 28:6

“Ephod chu a pâwl, a senduk, samul lasen, ngûn lazâi, leh puan mangṭhia chawih hen thuamh mi an siam ding asi.

LUNGFÂKNÂK 2:9

A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

EZEKIEL 19:14

Grep zûnpi chu mei nih a khangh le, a ṭeng leh a rah tla a kâng hep. A ṭeng chu a khauh lai lo rawh le, lal ṭhianṭhunh khawm asi lai lo rawh. Hi hi ngaihsiatnâk la; sak lemang mi chu asi.

EZEKIEL 20:32

Phundang tla hâwi hen leh ram dang ah um mi tla hâwi hen nan thinlung ah thing leh lung tla sawnh ding nan tum. Sikhawmsele chu chu asi dah lai lo.

EZEKIEL 21:21

Babulon lalchem chu lamṭhuam ah mi singsiahnâk tung phunnâk ah a dîr. Zei lei lampi ah kal ding asi lai aw ti hen a chanhtiang thalzum a lek le; a milem sinah thu a deih le; bâwlnâk ran thin a zauhdik.

EZEKIEL 21:31

Meialh hâwi hen na lakah ka hawng thlah tikah ka thinthawknâk chu na theih lai. Mi rualo, râwk thiam mi kutah ka nan pêk lai.

DANIAL 11:31

A kawrsen zeimaw mi nih Biakin an nawmh lai, nisiar bâwlnâk tla an khap lai le, thil ṭihnungkâi a siah lai.

DANIAL 12:11

“Nisiar bâwlnâk khap hen a um mi thawk hen, chu chu ṭhiautu Fihnungkâi hun ni sâng khat zanih sâwm kua a len tiang hen.

DANIAL 9:27

Chu lâirêltu chu mi tam tak hen kum sarih sung chu remnâk an siam lai le, chu chu hun khingkhuai a kal rawh chun bâwlnâk leh thil ap a khap lai rawh, thil ṭihnungkâi Biakin tlûnah siah hen a um lai le, Pathian nih a rangah a siam piak mi a dawnghnâk tlungtirtu ding mi hen anna tawng tiang chunah chun a um kumza lai.

HOSEA 13:10

Lal leh ruitu tla nan ngiar na, sikhawmsele annih nih zeitin phun an hum kho awt?

HOSEA 13:11

Ka thinrun bû hen lal tla ka nan pêk na le, ka thinthawknâk hen ka lâk ving na awt.

HOSEA 2:11

A puaituah ni tla zawzawng, thla thar kût leh kum siar kût tla, Dinhni ulhnâk tla leh phung leikângah tawngpumhnâk a siam mi tla ka dawngtir lai.

LEVITICUS 8:7

Aron chu kawrdawh leh kawrfual a ruktir le, tâisâwm puan hen a tâi a menh. Ephod a bah le, a tâi chu puan mangṭhia tah mi tâisâwm hen a sâwm.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

JOHAN 19:15

Chun, annih chu an âu le, “Thah rawh, thah rawh, kraws ah khenhbêk rawh!” an ti. Pilat nih an sinah, “Nan Lalchem hi kraws ah ka khenhbêk lai ma?” a ti. Bâwlpu lal tla nih, “Rom Lalchem lo chu lalchem kan nei lo,” an ti le, an sâng.

HEBRAI 10:26

Thudik theihnâk rangtling chu kanna ting nûnah thilsual kan ti êu chun sual tla rangah bâwlnâk a um rîlmâl lai lo rawh.

LÂIRÊL 17:5

Chu Mikah nih chun pathian sawnhnâk mun amah ta ê a nei. Ephod leh milem tla a siam le, a fapa tla lakah pakhat chu bâwlpu ah a siam.

LÂIRÊL 18:14

Minung panga Laish ram kiangkam zauhtu nih chun an hâwi le tla sinah, “Hi ram ah in tla pakhat lakah hin thing milem tangka hen tuam mi a um ti nan theih rawh ma? Chun, milem dang leh Ephod khawm a um. Va ti bâk ding hen zei hâwi nan ngaih?” an ti.

LÂIRÊL 8:27

Gideon nih chu ngûn thawk hen milem a siam le, Ophrah khuapi ah mi a in ah a siah. Israel zawzawng nih Pathian kaltâk hen milem sawnh ding hen an kal. Gideon leh a dâwngsung rangah chun thang asi ko rawh.

1 SAMUEL 14:3

(Bâwlpu ephod puttu chu Ahijah, chu chu Ikabod unaupa Ahitub fapa asi. Ahitub chu Eli tupa Phinehas fapa asi. Eli chu Siloh khua mi bâwlpu asi.) Jonathan a kal ving mi chu âukhawm nih an theih loh.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.

1 SAMUEL 2:18

Chu liau chun mipa ngâksiatê Samuel nih chun LALPA rian chu a ṭuan vima le, bâwlpu kawrfual â ruk.

1 SAMUEL 21:9

Ahimelek nih a sâng le, Elah kuam ah Philistia mi Goliath na thah mi nâmsâu lam chu ka nei, puan hen tuam mi ephod lanh ah a um. Na duh asi chun lâk ko, chu cho chu hinah râlthuam a um mi asi,” a ti. David nih, “Nâmsâu ṭha dauh dang a um lêm lo mi chu hawng ka pêk ko!” a ti.

1 SAMUEL 22:18

Saul nih Doeg sinah, “Nangmah nih thah na,” a ti le, Doeg nih a thah hep na. Chu ni ah chun ephod hen â thuam mi bâwlpu sâwmriat leh panga a thah na.

1 SAMUEL 23:6

Ahimelek fapa Abiathar chu David sinah a hawng tek liauah khan bâwlpu kawrfual a hawng put.

1 SAMUEL 23:9

David nih chu hâwi hen Saul nih thilti a tum mi a theih rawh chun, David nih bâwlpu Abiathar sinah “Kawrfual kha hinah hawng put nik,” a ti.

1 SAMUEL 30:7

David nih Ahimalek fapa bâwlpu Abiathar sinah, “Bâwlpu kawrfual kha hawng ka pêk nik,” a ti. Abiathar nih a pêk,