HOSEA 3:1 - Bawm Common Language Bible Version

¹ LALPA nih ka sinah, “Kal le, nunau, a duh mipa sinah ṭângdang pawmtâktu sinah na dâwtnâk va langh. Israel mi tla pathian dang tla leiah pial hen milem sinah grep rah châr ap menza khawmsele ka dâwt nget na mi hâwi hen nang khawm nih na dâwt ding asi,” a ti.

HOSEA 3:1 ပူးပေါင်းရင်းမြစ်များ

2 SAMUEL 6:19

Churawhchun, zapi tla chu ei ding a pêk na, nunau, mipa Israel lakah mi zawzawng chu sang tlang khat, meh em leh grep rah châr tla a pêk na. Churawhchun, mikip in leiah an lâwi rawh.

2 Lal 13:23

Sikhawmsele LALPA nih a dâwt na le, an lakah khua a ruat. LALPA nih veih dep ding a siang na lo le, a ṭangpi na. Abraham, Isak leh Jakob sinah a thutiam ruangah a mi tla chu a philh dah na lo.

1 CHRONICLES 16:3

an ektê hen buh a pêk na. Israel lakah nunau leh mipa mikip sangtlêp, meh em leh grep rah châr a pêk na.

NEHEMIAH 9:31

Chu khawm ah khua na ruat nget rih le, na kaltâk hen na veih dep na lo, nang chu Pathian vêlnei leh khuaruat mi na si!

SAM 123:2

LALPA, kan Pathian, to-aw nih a pu a ngauhsan hâwi hen leh to-awnu nih a pi a ngauhsan hâwi hen, kan lakah khua na ruat lânlo chu nangmah lei kan hawng hawi kumza lai.

EXODUS 32:6

A thâizîng zîngtê ah ran tla bâwlnâk ah duah ding mi leh a tlâinâk ding thil ap ei ding mi tla an hawng put. Zû din leh pung-le-lêngnâk leiah pial mi, mi zapi nuamchenhtu tla chu din leh ei ding hen an to rawh.

LA TLA LA 2:5

Grep rah châr hen hawng ka chaktir le, apple thei hen hawng ka panhlâutir! Ka duh tuk ruangah ka uai thlo.

ISAI 45:22

“Laikulh pumpi mi tla, tuah keimah leiah hawng a hawi ule, him tak hen um u! Pathian um mi chu keimah pakhat cho hi kasi.

JEREMIA 3:20

Sikhawmsele, nupi zumhkâilo hâwi hen, ka lakah zumhkâilo hen na um. Kei, LALPA nih ka sim asi,” a ti.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

HOSEA 4:11

LALPA nih, “Uain, a li mi leh a thar mi nih ka mi tla thinlung a veih!

HOSEA 7:5

Lal puai tuah ni ah lal leh a rianṭuantu tla chu â thlo hen uain an dinh na.

AMOS 2:8

Sawnhnâk munkip ah mipâm thawk hen an leiba ruangrûl ah an lâk piak mi puan aih hen an it. An Pathian biakin ah lei anna taih mi sinah uain an lâk mi an din.

AMOS 6:6

Uain chu hâi khat dil hen nan din le, rimthâw ṭha chem nan mang le, sikhawmsele Israel tla siatnâk thu ah lungfâknâk nan nei lo.

MIKAH 7:7

Sikhawmsele, LALPA lei ka zauh kumza lai le, Pathian ruang hawng ka suahtu chu ka rinhsanh. Ka Pathian nih hawng ka ngâi lai.

ZEKARIA 1:16

Churuangah khuapi lakah ka khuaruatnâk langh ding hen Jerusalem ah ka kîr nawlh, ka Biakin khawm sak nawlh hen a um lai le, khuapi khawm dirh nawlh hen a um lai,” a ti.

MATHAI 26:50

Chun, Jisu nih a sinah, “Kâwi, na hawng san chu ti rawh,” a ti. Chu kâ hen Jisu chu an fûk le, an tleih rawh.

1 KORIN 10:21

Lalpa hâi leh khuri hâi munkhat hen nan din kawp kho lai loh; Lalpa dawhkân ah mi leh khuri dawhkân ah mi munkhat hen nan ei kawp kho lai loh.

1 KORIN 10:7

An lakah mi zeimaw mi ruk sawnhtu an si hâwi khan ruk sawnhtu si lah u. Pathian lasui thu nih, “Zapi chu ei leh din hen an to dut le, pang ding hen an thawk nawlh,” ti hen, a sim hâwi khan.

1 PETER 4:3

Chuvachun, lunglotu tla nih ti ding hen an duh mi chu a lânah nan ti tâwk ual rawh. Nan nungnâk tla chu, hurnâk tla, taksa duhnâk tla, uain duhnâk tla, zû mun ah lâwmnâk tla, zû din murui tla, ruk sawnhnâk nâwmtâm tla lakah nan um kha.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.

LÂIRÊL 9:27

An ektê hen anmah grep dûm chiauah an va kal le, grep tla chu an kawih, uain hâng an siam le, kût an mang. An pathian sawnhnâk in ah an va kal le, chunah chun Abimelek rangah tluktlak leh dehchawh bû hen an din hen an ei.