HOSEA 2:8 - Bawm Common Language Bible Version

⁸ Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

HOSEA 2:8 ပူးပေါင်းရင်းမြစ်များ

1 CHRONICLES 29:16

LALPA, kan Pathian, hi bang neih zawzawng hi na min thenhlimh kan zahnâk leh Biakin saknâk ah kan hawng put asi, sikhawmsele, a ektê hen nangmah thawk hen mi leh nangmah tâ ver asi.

JOB LASUIBU 19:8

Pathian nih lampi chu a sah phawk le, ka lan kho lo; ka lampi chu mûi ah a thuh ving.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 46:6

Mi tla nih an tangka sâwngkhâwi an awng le, ngûn an thlêt le tangkasa tla khing hen an khingh. Ngûn dêngtu tla chu pathian lem siam ding hen an lâk, churawhchun an mâimûk le an sawnh!

JEREMIA 7:18

Ngâksia tla nih tih ding mi thing an khawmh le, mipa tla nih mei an tih le, nunau tla nih Vân Lalnu an ti mi pathiannu rangah sang em ding mi an chawmh. Keimah lungfâktir ding hen pathian dang tla sinah uain ap mi tla khawm an tawih.

EZEKIEL 23:41

Itnâk dawnh dawh tak tlûnah an to le, an mâika ah thil ṭha hen khat mi dawhkân anna hunh le, ka pêk na mi rimthâw leh oliv sariak hen.

DANIAL 3:1

Lalchem Nebukadnezar nih ngûn milem a nei le, a sânglei feet 20, a lianh lei feet 9 tling dêng asi. Babulon ram ṭhen Dura phâi ah a siah.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

HOSEA 13:1

A lânah Efraim phun tla nih thu an sim liauah Israel phun dang tla an lâu le, Efraim tla rangah an zah na. Sikhawmsele mi nih Baal an sawnh mi ruangah an thi lai.

HOSEA 13:2

Thîr milem tla leh tangka milem tla, minung thinlung ruatnâk leh kut hen siam mi sawnh hen an sual vima nget rih, “An sinah bâwlnâk pêk u,” ti hen thu an sim. Zeitin minung nih chawchal lem a bangh mi an châwchawk kho zia!

HOSEA 4:11

LALPA nih, “Uain, a li mi leh a thar mi nih ka mi tla thinlung a veih!

HOSEA 8:4

“Ka mi tla nih lal an thîm le, sikhawmsele mah kawngkâ cho an ruat. Keimah rem tinâk silo hen ruitu tla an thîm. Anmah siat leh râwktu ding ah an tangka leh ngûn chu an milem ah an siam.

HABAKUK 1:16

An lên tla chu an sawnh le, bâwlnâk an ap. An lên tla nih thil ṭha chem a pêk na ruangah.

LUK 15:13

Chun, ni sâwtlotê ah â fapa a ngâksia dauh mi nih chun a tingvo a khawmh hep le, ram lât takah a kal. Chunah chun nuam tuktarâi hen a um le, a sum chu a veih salam rawh.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

LÂIRÊL 9:27

An ektê hen anmah grep dûm chiauah an va kal le, grep tla chu an kawih, uain hâng an siam le, kût an mang. An pathian sawnhnâk in ah an va kal le, chunah chun Abimelek rangah tluktlak leh dehchawh bû hen an din hen an ei.