HOSEA 2:3 - Bawm Common Language Bible Version

³ Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

HOSEA 2:3 ပူးပေါင်းရင်းမြစ်များ

EXODUS 17:3

Sikhawmsele mi zapi tla chu an tî a hâl tuktarâi ruangah Mosi tlûnah an chipchiar nget rih. “Zei rangah Aigupta ram ah mi na kan suakpi hen kan fa leh kan ran tla tîhâl hen na kan thihtir awt?” an ti.

ISAI 33:9

Ram chu thlawrhthlâu leh mâk hen a um. Lebanon mi tumun tla chu a uai le, Saron vakuam ningno tla chu ramkaro hâwi asi rawh, Basan leh Karmel Tlângah mi thing nah tla chu a tlawng.

ISAI 47:3

Mi nih takkaro hen an muh lai le, ningzak tak leh nâu tak hen an muh lai. Phû ka lam lai le, âukhawm nih an hawng ka khap lai loh,” a ti.

ISAI 64:10

Na khuapi thenhlimh tla chu a karo hen a um: Jerusalem chu râwk dep hen a um,

JEREMIA 12:10

Ramdang mi lâirêltu tam tak tla nih ka grep zûn tla an râwk ver le; ka phâisen tla an lamh dip; ka ram duhtak chu a karo hen an siam thlo.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 13:26

LALPA amah tak nih na nipuan an lît piak lai le, ningzakkâi tak hen an umtir lai.

JEREMIA 14:3

Minei tla nih an to-aw tla tî than ding hen an fial na le; tipang leiah an va kal le, sikhawmsele tî an tawng lo; an bêl karo hen an kîr nawlh. Lungdawng leh thinlung nawk hen an mêl an thuh.

JEREMIA 17:6

Chu minung chu ramkaro ah thing bû tual châr lakah leh tual al thildang zeikhawm keuh kholonâk mun ah mi hâwi asi. Chu minung sinah chun thil ṭha zeikhawm a tlung lai lo.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

JEREMIA 22:6

“Juda lal in chu kei rangah chun Gilead ram leh Lebanon Tlâng hâwi hen â dawh le; sikhawmsele ram lâwng âukhawm umlonâk mun ah ka siam awt.

JEREMIA 4:26

Ram ningno tla chu a karo hen a um le; a khuapi tla chu â râwk hep, chu chu LALPA thinthawknâk fâk ruangah asi.

JEREMIA 51:43

Khuapi tla chu zauh hen ṭihnungkâi rê hen a um le, mi âukhawm umlonâk leh mi velvâ khawm umlonâk tî umlonâk ramkaro hâwi asi rawh.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

EZEKIEL 16:22

Nunau â zuar mi umdân fihnungkâi tak hâwi hen na um kar zawng ah na ngâksia liauah na thisen ah takkaro hen na kual liau tla veikhat khawm na theih dahlo.

EZEKIEL 19:13

Tu chun ramkaro ah tî umlonâk a châr fêknâk ah an phun rawh.

HOSEA 13:15

Israel tla chu belh hâwi hen ningno khawmsele ramkaro lei thawk hen thli lum ka hawngtir lai le, an tinungva leh an tikhurchawh tla a kang hep lai. Thilsung zawzawng a lâk hep lai.

HOSEA 2:10

A duh na mi mâika ah takkaro hen a nipuan ka lît piak lai le, âukhawm nih ka thiltikhonâk lakah mi chu an hum kho lai lo.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.

LÂIRÊL 15:18

Churawhchun, Samson chu thungâi a tî a hâl le, churuang chun LALPA a auh le, a sinah, “Hi nehnâk rokual tak na ka pêk le; tuah tîhâl hen ka thi awt rawh, hi Philistia lunglo mi tla neh hen ma ka um awt?” a ti.