HOSEA 2:2 - Bawm Common Language Bible Version

² Ka fa tla, nan nu chu ka nupi silo rawh hen kei khawm a pasal silo rawh khawmsele a rangah ngiar u. Ṭângdang hawng ka pawmtâk mi leh â zuar mi chu bâng rawh ding hen ngiar u.

HOSEA 2:2 ပူးပေါင်းရင်းမြစ်များ

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

JEREMIA 19:3

LALPA nih sim ding hen thu hawng ka simh le, “Nannih Juda lalchem tla leh Jerusalem khua mi tla, Kei, LALPA Zeizawng tikho, Israel Pathian nih thu ka sim ding mi hi ngâi u. Hi mun ah hin siatnâk ka tlungtir awt, âuzawng chu thu theihtu chu a â thlo lai.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 3:18

Israel leh Juda chu anna fawnh lai le, munkhat hen marlei ram thawk hen sal ah tâng mi an hawng kal lai le, an thlâktu tla sinah ting pawt ding hen ka pêk na mi ram ah an hawng kîr lai,” a ti.

EZEKIEL 16:20

“Churawhchun, fapa leh fanu na ka ring piak mi khawm bâwlnâk ah milem sinah na ap na.

EZEKIEL 16:25

Na dawhnâk chu nêngthû lakah na nûk. A hawng mi tla sin kip ah na pêk le, nisiar hen â zuar mi nunau ngâk hen na zual kâi.

EZEKIEL 20:4

“Thikho mi minung, anmah tla rêp ding hen na tîm ma? Na râlring chun ti ko. An pa tla nih thil fihnungkâi an ti mi tla simh nawlh na.

EZEKIEL 23:43

Kei nih chun ka thinlung hen ṭângdang pawm hen a dî nek mi nunau chu â zuar mi ah an mang ka ti.

EZEKIEL 23:45

Ṭângdang pawmtâk an mang ruangah leh an kut ah thisen â buaih ruangah, mirep tla nih ṭângdang an pawm mi leh mi an thah mi lakah mawh hen an ruat na lai,” a ti.

HOSEA 1:2

LALPA nih Hosea mang hen Israel tla sinah thu a simtir liau ah Hosea sinah, “Kal le, nupi va nei le, na nupi chu mi zumhkâilo asi lai le, nan fa tla khawm amah hâwi an si lai. Chu hâwitê hen ka mi le tla nih an hawng ka mâk le, zumhkâilo hen an um, a ti.

HOSEA 2:1

Churuangah na hâwi Israel mi,”Ammia’’ (Pathian Mi tla) leh “LALPA nih a dâwt mi tla,” chu kawh na.

HOSEA 4:5

Sûn leh zân hen mi nan râwk le, khuavâng tla khawm nannih ngâk hen an ṭha khun lêm lo. Israel, nan nu ka veih awt.

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.