HOSEA 2:16 - Bawm Common Language Bible Version

¹⁶ Churawhchun, ka pasal hawng ka ti nawlh lai rawh le, a Baal hâwi hen hawng ka ruat lai lo rawh.

HOSEA 2:16 ပူးပေါင်းရင်းမြစ်များ

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

HOSEA 2:7

A duh na mi tla chu a ṭhâwl na lai le, sikhawmsele tleih ding hen a tawng na lai lo, a hâwl na lai le, sikhawmsele a tawng na lai lo. Churawhchun, “Ka pasal masa sinah ka kîr nawlh lai le, tu mi tla ngâk hen ka rangah a ṭha dauh lai,” a ti lai.

JEREMIA 3:14

“Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

THUPHUANG 19:7

lâwptlo tak hen kan um lai le, amah kan chawnglawmh lai, Dawrâ Fa nupi neih chu a zâ rawh le, a nupi khawm â tîm zet rawh,” a ti mi kha ka theih.

2 KORIN 11:2

Pathian thîknâk hen asi ka nan thîk na; Krist sinah chun nungâk thenhlimh hâwi hen ka nan pêk kho na bâk ding hen, mi pakhat, Krist chu kan hual piak na ko asi.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

GENESIS 34:3

Churawhchun, chu nunau chu thungâi a mêldî le, a nunau nih duh ding ko hen â ṭang.

LÂIRÊL 19:3

Churawhchun, a pasal nih kîrpi nawlh ding hen a dunglei ah ṭhâwl a tum. A to-aw leh a sanatung panih a put na. A nupisûn nih Levi chu insung a zauhtir le, a pu nih a muh rawh chun a lawmh thlo.

RUTH 2:13

Ruth nih a sâng le, “Pu, ka tlûnah thungâi vêl na nei. Na aw nêm tak hen na hawng ka sawnh mi nih ka thinlung a damtir thlo, kei chu na to-aw pakhat khawm ka tluk mi a um lo,” a ti.

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

EZEKIEL 20:35

‘Ramkaro ah phun um tla sinah ka nan kalpi na lai le, chunah chun nan mâi mûi dep hen ka nan mawhtir na lai.