HOSEA 12:3 - Bawm Common Language Bible Version

³ An thlâktu Jakob nih fa phîr a suakpi mi a unaupa Esau rangah an nu paw sungah an um liauah a sualpi le, Jakob chu a lian nûnah Pathian a sualpi,

HOSEA 12:3 ပူးပေါင်းရင်းမြစ်များ

GENESIS 25:26

A panihnâk chu Esau kedil tleih thlir bû hen a hawng suak, churuangah a min ah Jakob an sak. An suak liauah Isak chu kum sâwmruk mi asi.

2 Lal 17:18

LALPA chu Israel tla tlûnah a thinthawk le, a mitmuh ah mi chu a nar phin na le, Juda lalram cho a siah.

2 Lal 17:20

LALPA nih Israel tla chu a nawng na rawh le, a mitmuh ah mi nar phin an si tiang hen mêlma sual tak sinah anmah rêp ding hen a pêk na.

JEREMIA 2:9

“Churuangah Kei, LALPA nih ka mi tla lakah ka thunawk ka sim awt nawlh. An thlâk tla rangah ka phiar na awt.

EZEKIEL 7:3

“Israel, a dawnghnâk a tlung rawh. Na thilti lakah lâi ka rêl mi ruangah ka thinthawknâk na theih lai. Na umdân fihnungkâi zawzawng man ka nan pêk awt.

EZEKIEL 7:8

“Sâwtlotê ah ka thinthawknâk fâk zia nan theih lai. Na thilti ruangah na lâi ka rêl le, na umdân fihnungkâi man ka nan pêk awt.

HOSEA 4:1

LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

HOSEA 4:9

Mi nih rêp an tawng mi hâwitê nan tawng bâk lai. Sualnâk nan ti mi ruangah rêpnâk a man kan pêk na awt.

AMOS 2:4

LALPA nih, “Juda mi tla chu an sual nûnah an sual nawlh le, churuang chun ka rêp na nget awt. Ka sîntirnâk an siarlo le, ka thupêk khawm an zûl lo. An thlâktu tla nih an sawnh mi pathian diklo leiah pial hen an um.

MIKAH 6:2

Nannih tlâng sâng tla, nannih zungzâl lungphûm tla, LALPA thunawk ngâi u! Israel tla lakah LALPA nih thunawk a nei, Israel tla chu a phiar na awt.

ROM 9:11

sia leh ṭha an ti lânah, thilti ruang silo hen, a kawhtu duh ruang si dauh hen, thîm leikâng thu ah Pathian thuruat chu a bir khonâk ding hen a sinah chun,