HOSEA 11:3 - Bawm Common Language Bible Version

³ Sikhawmsele kei chu, Israel rangah kal dân sîntirtu kasi. Ka bân hen ka mi tla chu ka ruai na le, keimah vêng hen an um mi an theih lo.

HOSEA 11:3 ပူးပေါင်းရင်းမြစ်များ

SAM 107:20

A thupêk hen a damh na le, thlân lakah mi chu ruang a suah na.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

EXODUS 19:4

“Kei, LALPA nih Aigupta mi tla lakah ka thilti zia leh mupi tla nih a thla tlûnah a fa tla a put hâwi hen hinah ka sinah kan put na mi tla na muh.

EXODUS 23:25

Kei, LALPA nan Pathian, nan hawng ka sawnh lam chun, ti leh râwl hen mal kan sâwm na lai le, nan nganfâknâk zawzawng ka lâk peng lai.

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 30:26

Thlâ chu nî hâwi hen a hawng chêu lai le, nî chu ni dangah mi a chêu lehsarih hen a chêu lai le, ni sarih chêu kha ni khat ah fawnh hep mi tluk asi lai. Hi bang zawzawng tla hi LALPA nih a mi tla liam mâ damh hen a tuam ni ah a hawng tlung lai.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 30:17

Nan mêlma tla nih ‘Zion chu lawnh asi rawh; âukhawm zauhkhenhtu an um lo rawh,’ ti menza na khawmsele; kan damh nawlh na lai le; nan liam mâ tla ka damh lai. Kei, LALPA nih ka sim asi,” a ti.

JEREMIA 8:22

Gilead ram ah turpang a um lo men maw? Chunah chun daktawr an um lo na maw? Chu hâwi asi chun, zei rangah ka mi tla an dam dahlo rih?

HOSEA 14:4

LALPA nih, “Ka sinah ka mi tla chu ka kawh nawlh lai. Ka thinlung zawzawng hen ka dâwt na lai le, an lakah ka thin a run lai lo rawh.

HOSEA 2:8

Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

HOSEA 7:1

“Ka mi Israel tla damh na ding leh an sul-le-lam tluangtir ka duh zâwn khawm ah an sualnâk leh an ṭhatlonâk zawzawng ka muh tâwn. Pakhat leh pakhat anna perpet; in tla an siat le thil an fîr, zâwllâi ah mi an rawk.

HOSEA 7:15

Thungâi an hel le, kei chu anmah dirhtu leh chaktirtu sikhawmsele ka lakah ṭhatlo an rawt.

THILTI 13:18

Chun, kum sâwmli bo ramkaro ah khan a zauhkhenh na.

DEUTERONOMY 1:31

Him tak hen hi mun tiang ah pa nih a fapa a rui mi hâwi hen an rui na mi nan muh asi!

DEUTERONOMY 33:27

Pathian chu nanmah vêng kumzatu asi; A zungzâl bân chu nanmah ṭangpitu asi. Nan kalnâk zawng ah nan mêlma tla chu a nar le, An ektê râwk ver ding hen an simh na.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.