HOSEA 10:4 - Bawm Common Language Bible Version

⁴ Thu salam an sim le, âwkrâwl hen thu an tiamh le, zeikhawm silo mi remnâk an siam. Diknâk chu diklonâk ah a hawng a chang le, phâisen nâwn mi lakah belh tûrnei a kho mi hâwi an si.

HOSEA 10:4 ပူးပေါင်းရင်းမြစ်များ

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

HOSEA 4:2

Thu an tiamh le, an buar lîlâ, âwkrâwl an sim, mi an thah, an fîr, ṭângdang an pawm, buarnâk a pung, pakhat leh pakhat thahnâk a um.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

AMOS 5:7

Nannih diknâk hen rual rêt mi leh midang perpettu tla nan vânduai rawh!

AMOS 6:12

Lung tlûnah rang a tek lai ma? Mi nih chawchal hen tipi an nâwn ma? Sikhawmsele repnâk chu tûr ah nan changtir le, diknâk chu diklonâk ah nan changtir.

THILTI 8:23

Ngarhnâk khâ leh sual rêng tlâknâk ah na um ti ka muh asi,” a ti.

ROM 1:31

sia leh ṭha theihnâk nei lo tla, thupêk buartu tla, zângfahnâk thinlung suakpi lo tla, zângfahnâk nei lo tla an si.

DEUTERONOMY 29:18

Hinah mipa, nunau, dâwngsungkhur mawh phun mawh tusûn ni ah dîrtu tla zawzawng nih LALPA nan Pathian chu kaltâk hen phun dang pathian tla nan sawnh lebang lai theih set u. Chubang tla chu thil khâ leh tûr keuh hen a ram a thlâk mi asi sual lebang lai.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

DEUTERONOMY 31:17

Chu hâwi a hawng si tik chun an lakah ka thin a thawk lai le; ka kaltâk na lai le, an vei lai rawh. An lakah siatnâk ṭihnungkâi tak a hawng tlung lai le, chu tikah hi bang thil tla chu an tlûnah a hawng tlung tik chun, Kei, an Pathian an sinah ka um lo rawh ruangah asi ti an theih lai rawh.

2 TIMOTHE 3:3

zângfahnâk suakpi lo tla, ṭhat lo rawt tla, phiartu tla, sûm kho lo tla, mirâng tla, ṭha duh lo thlo tla,

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.