HOSEA 10:2 - Bawm Common Language Bible Version

² An thinlung ah perpet mang mi chu tuah an tuar ding asi. Pathian nih an mâichâm tla leh an lungphun thenhlimh tla chu a râwk lai.

HOSEA 10:2 ပူးပေါင်းရင်းမြစ်များ

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

EXODUS 23:24

An pathian tla sinah kûn lah ule, sawnh lah u, an phung tla zûl lah u. An pathian tla râwk ule, an lungphun tla khiak u.

THUFING LASUIBU 11:18

Misual tla nih chun zeikhawm an lawh lo le, sikhawmsele thil dik na ti chun lâwmman na ting ngelchel lai.

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

JEREMIA 43:13

Aigupta ram ah Heliopolis ah theihkumzanâk lungphûm thenhlimh a râwk lai le, Aigupta mi pathian tla biakin tla a duah lai, ti hen simh na,” a ti.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

HOSEA 12:11

Sikhawmsele, Gilead ah milem tla an sawnh le, chubang sawnhtu tla chu an thi ding asi. Chawchal tla chu bâwlnâk ah Gilead ah an mang le, chu phâisen ah mi mâichâm tla chu lung pawng salam ah â chang lai,” a ti.

HOSEA 13:16

Samaria chu ka lakah a hel ruangah rêp asi lai. A mi tla chu râltuknâk ah an thi lai le, fasêm tla chu tual ah lawnh an si lai. Nunau a râi mi paw chu an khei lai,” a ti.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

HOSEA 7:8

LALPA nih, “Israel mi tla chu sang tlang a tanbawlawk em mi hâwi an si. An kiangkam mi phun tla an rinhsanh le,

LEVITICUS 26:30

Tlângah nan ruk sawnhnâk mun tla chu ka râwk lai le, nan rimthâw duahnâk mâichâm tla ka siat lai le, nan ruak chu milem a tlû mi tlûnah lawnh asi lai.

MIKAH 5:13

Na milem tla leh na lungphun tla chu ka veih lai le, nangmah tak nih na siam mi thil tla chu na sawnh lai lo rawh.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

LUK 16:13

To-aw âukhawm nih hotu panih rian a kêp kho lo; pakhat hua hen pakhat a duh lai, asi lo leh pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai loh,” a ti.

JEM 1:8

thinlung reprâi nei lo hen thil a tinâk zawng ah bir lo mi asi ruangah.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 JOHAN 2:15

Laikulh hi zângfah lah ule, laikulh ah thil um tla khawm hi zângfah lah u. Âuzawng nih laikulh hi a zângfah chun, Pa a zângfahnâk amah lakah a um lo.

1 SAMUEL 5:4

A thâituan nawlh khawm ah chun milem chu Thudântuk Bâwm mâika ah a tlû fâwn. Chu tan chun a lû leh a bân khawm a kiak le; kawtkâ kiang ah a pum hen a rîl thlo.