HOSEA 1:7 - Bawm Common Language Bible Version

⁷ Sikhawmsele Juda mi tla rangah ka dâwtnâk ka langh lai. Kei, LALPA, an Pathian nih ka hum na lai le, râltuknâk nâmsâu mawh chanhtiang leh thalzum, mawh rang tla leh a tlûnah chuan mi hen mawh an lakah ka tlungtir lai lo,” a ti.

HOSEA 1:7 ပူးပေါင်းရင်းမြစ်များ

2 Lal 19:29

Churawhchun, Isai nih Lalchem Hezekiah sinah, “Hi hi thil hawng tlung ding mi singsiahnâk chu asi: Tukum leh kum vei ah mâng buh cho nan ei lai, chu zulh a kum nawlh ah chun fâng nan tuh lai le, a rah tla nan ei lai rawh.

2 Lal 19:34

Ka to-aw David sinah ka tiamh mi ruangah leh keimah min zahkâinâk ding hen hi khua hi ka vêng hen ka hum awt,” a ti.

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

2 Lal 6:18

Siria tla nih an hawng do na rawh chun, Elisa nih thla a cham, “LALPA, hi minung tla hi an mit hawng châwtir na!” a ti. LALPA nih a thlachamnâk a sâng le, an mit a châwtir dep na.

SAM 33:16

Kawrsen chaknâk hen lal nih a neh mi asi lo le, kawrsen khawm nih amah chaknâk ruangah a neh mi asi lo.

SAM 44:7

Ka mêlma lakah hawng ka humtu leh hawng ka huatu tla nehtu chu nangmah na si.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

EXODUS 14:30

Chu ni ah chun LALPA nih Israel mi tla chu Aigupta mi tla lakah mi ruang a suah na rawh. Israel tla nih tipi kapah ruak a rîl phut mi chu an muh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

JEREMIA 25:5

Nan umdân sual leh nan thilsual ti bâng ding hen a nan simh na. LALPA nih nanmah leh an thlâk natu tla nih ting pawt ding hen a nan pêk na mi ram ah nan um kumza khonâk ding hen.

JEREMIA 25:6

Pathian dang tla sawnh leh a rianṭuan lo ding leh milem nan siam mi tla sawnh hen LALPA thin nan thawktir lo ding hen a nan simh na. LALPA thu ngâi ule chu, a nan rêp na lo ding mi.

JEREMIA 33:26

Hi ka ti mi hâwi hen ka to-aw Jakob leh David thlâk tla chu ka kilkâwi na awt. David thlâk lakah mi pakhat, Abraham, Isak leh Jakob thlâk tla tlûnah lâirêltu ding mi ka thîm awt. Ka mi tla tlûnah khua ka ruat lai le, an sul-le-lam ka tluangtir nawlh na lai,” a ti.

HOSEA 1:8

Gomer chu a fanu nûk a tlei nûnah a râi nawlh le, fapa dang a ring.

HOSEA 11:12

LALPA nih, “Israel nih an âwkrâwl thusim leh an perpetnâk nih an hawng ka kulh pang. Juda mi tla khawm nih, kei, mi zumhkâi leh Pathian thenhlimh tlûnah an hel kumza nget rih.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

1 SAMUEL 17:47

hinah mi mikip nih a mi Israel tla hum ding hen LALPA nih nâmsâu leh fei mang ding a herh lo ti an theih lai. Amah chu râltuknâk ah nehtu asi, kanmah neh ding hen an siam hep na lai,” a ti.