HOSEA 1:6 - Bawm Common Language Bible Version

⁶ Gomer nih fa panihnâk a nei le, chu chu nunau asi, LALPA nih Hosea sinah, “Israel mi tla rangah ka dâwtnâk ka langh lo hen ka ngaihdam na awtlo rawh ruangah, a min ah ‘’Lo-ruhamai’’ (Dâwtlo) ti hen sak.

HOSEA 1:6 ပူးပေါင်းရင်းမြစ်များ

2 Lal 17:20

LALPA nih Israel tla chu a nawng na rawh le, a mitmuh ah mi nar phin an si tiang hen mêlma sual tak sinah anmah rêp ding hen a pêk na.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

HOSEA 1:8

Gomer chu a fanu nûk a tlei nûnah a râi nawlh le, fapa dang a ring.

HOSEA 2:23

Ka mi tla chu ram lakah ka birtir lai le, sul-le-lam tluang tak hen ka siam na lai rawh. “Dâwtlo” an si mi chu, ka dâwtnâk ka zauhtir na lai le, “Ka mi tla ansi lo” an ti mi tla chu “Ka mi tla nan si,” ka ti lai. Annih nih, “Kan Pathian na si,” an ti lai.

HOSEA 2:4

A fa le lak khawm ah khuaruatnâk ka nei lai lo, ningzak theihlo hen â zuar mi fa tla an si. Amah ngelchel nih, “Hawng ka dâwttu tla sinah ka kal lai le, anih nih buh leh tî, samul puan leh puannêm, oliv sariak leh uain an hawng ka pêk lai,” a ti.

AMOS 7:8

Anih nih, “Amos, zei na muh?” ti hen hawng ka deih. Kei nih ka sâng le, “Tahnâk rî,” ka ti. Churawhchun, anih nih “Rî hen tahlo mi vâm an sizia langhtir ding ka tum mi asi. Anmah ka rêp na awt mi thinlung ka lêt awtlo.

AMOS 9:8

Kei, LALPA Zahkâi nih Israel ram sual tak hi ka vêng le, hi tual tlûnah mi ka veih dep awt, sikhawmsele Jakob thlâk an ektê lam chu ka veih na awtlo.

1 PETER 2:10

A lân chun Pathian mi tla nan si lo, tu lam chun amah mi tla nan si, a lân chun Pathian khuaruatnâk nan tawng lo, tuah lam chun khuaruatnâk nan tawng rawh asi.