HOSEA 1:5 - Bawm Common Language Bible Version

⁵ Chu tikah chun Jezreel Vakuam ah Israel kawrsen thiltikhonâk chu ka veih lai,” a ti.

HOSEA 1:5 ပူးပေါင်းရင်းမြစ်များ

2 Lal 15:29

Pekah lalchem asi liauah, Asiria lalchem Tiglath Pileser nih Ijon khuapi tla, Abel Beth Maakah, Janoah, Kedes, Hazor leh Gilead ram tla, Galili, Napthali ram tla a lâk le, Asiria ram leiah a mi tleih tla chu a kalpi na.

SAM 37:15

Khawmsele, anmah nâmsâu lîlâ nih a thah na lai le, an chanhtiang chu khiak dip asi lai.

SAM 46:9

Laikulh zawzawng tuknâk a bângtir; chanhtiang tla a khiak le, fei tla a râwk, phaw tla chu mei hen a duah.

JEREMIA 51:56

Babulon râwk ding hen an hawng le, a kawrsen tla chu neh hen an um le; an chanhtiang kûk tla chu a kiak rawh. Kei chu misual rêptu Pathian kasi. Babulon chu amah hen dêng ding hen ka rêp awt.

EZEKIEL 39:3

Churawhchun, a kehlei mi a chanhtiang kûk chu tlawng phak hen ka sut lai le, a vawrhlei mi thalzum tla khawm thlah ro hen ka sut lai.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

JOSUA 17:16

Annih nih, “Tlâng ram chu kannih rangah a kâu tawk lo, phâi ah mi Kanaan mi tla nih chun thîr kari tla an nei, Beth Shan leh a kiangkam mi khuapi tla Jezreel Vakuam ah um mi tla khawm nih an nei,” an ti.

LÂIRÊL 6:33

Churawhchun, Midian mi zawzawng, Amalek mi zawzawng leh ramkaro ah phun um tla chu anna pûm le, Jordan Va an kanh le, Jezreel Kuam ah um mun an khuar.