HOSEA 1:4 - Bawm Common Language Bible Version

⁴ LALPA nih Hosea sinah; “Israel lal chu amah thlâktu Jehu nih Jezreel ah mi a thah mi ruangah ka rêp awt mi a sâwt awtlo ruangah ‘Jezreel’ ti hen a min ah sak. Jehu lal sinâk chu ka dawngtir awt rawh.

HOSEA 1:4 ပူးပေါင်းရင်းမြစ်များ

2 Lal 10:1

Ahab thlâk tla Samaria khua ah um mi tla chu sâwmsarih an si. Jehu nih lasuikuat a rîn le, nah khat chu khuapi lâirêltu tla, khuapi ruitu tla leh Ahab thlâk vêngtu tla sinah a kuat.

2 Lal 10:17

An va tleng rawh chun Jehu nih Ahab rualsia zawzawng a thah hep na, pakhattê khawm a zuah na lo. Chu chu LALPA nih Elija sinah a sim mi hâwi hen a hawng tlung mi asi.

2 Lal 15:29

Pekah lalchem asi liauah, Asiria lalchem Tiglath Pileser nih Ijon khuapi tla, Abel Beth Maakah, Janoah, Kedes, Hazor leh Gilead ram tla, Galili, Napthali ram tla a lâk le, Asiria ram leiah a mi tleih tla chu a kalpi na.

2 Lal 15:8

Juda lalchem Uziah nih a lâirêl kum sâwmthum leh kum riatnâk ah Jeroboam panihnâk fapa Zekariah chu Israel lal a hawng si le, Samaria ah thla ruk lâi a rêl.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

ISAI 8:3

A nehnûn dauh ah chun, ka nupi a râi rawh. Kan fapa a hawng suak rawh chun LALPA nih ka sinah, a min chu “Maher-salal-has-baz” (Râwk-sawm, Rang tak hen rûn) ti hen sak.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 20:3

A thâituan ah rêng an hawng ka khimh mi hawng ka suah rawh chun a sinah, “LALPA nih na min ah Pasur a nan ti lai lo rawh. Min a nan pêk mi chu “Magor-Misaib” (Munkip Ṭihnungkâi) a nan ti lai rawh.

JEREMIA 23:2

LALPA Israel Pathian nih a mi tla zauhkhenhtu ah lâirêltu a ruat na mi thu a sim mi chu hi hi asi: “Ka mi tla chu nan zauhkhenh na lo le; nan rekrâwitir na hen nan nar phin na. Tuah thilsual nan ti mi ruangah kan rêp na awt.

JEREMIA 3:8

Israel chu hawng ka hawitâk hen nunau â zuar mi asi rawh ruangah ka mâk le, ka nar ving mi Juda khawm nih a muh. Sikhawmsele Juda, Israel zumhkâilo unaunu nih a ṭih lo thlo. Amah khawm â zuar le,

EZEKIEL 23:10

A nipuan an lît piak le, takkaro hen an siah le, a fapa leh a fanu tla an tleih le, amah chu nâmsâu hen an thah. A thihnâk chu munkip ah mi nunau nih thuruatnâk ah an mang.

EZEKIEL 23:31

Na unaunu zia na châwng ruangah amah din mi rêpnâk hâi nget din ding hen ka nan pêk awt,” a ti.

HOSEA 1:6

Gomer nih fa panihnâk a nei le, chu chu nunau asi, LALPA nih Hosea sinah, “Israel mi tla rangah ka dâwtnâk ka langh lo hen ka ngaihdam na awtlo rawh ruangah, a min ah ‘’Lo-ruhamai’’ (Dâwtlo) ti hen sak.

HOSEA 1:9

LALPA nih Hosea sinah, “Israel mi tla chu ka mi tla an si awtlo ruangah leh an Pathian kasi awtlo rawh ruangah ‘’Lo-ammia’’ (Ka mi tla an silo) ti hen min sak,” a ti.

HOSEA 2:13

Keimah hawng ka philh hen Baal sinah rimthâw duah hen lungmantam hen â thuam le, amah duh mi tla a ṭhâwl na mi man ruangah ka rêp awt. LALPA nih a sim mi asi.

HOSEA 9:17

A thu an ngâilo ruangah, a rian a ṭuan mi Pathian nih a mi tla chu a nawng na lai, phun tla nâwngah vei leh vâk hen an um lai.

AMOS 9:8

Kei, LALPA Zahkâi nih Israel ram sual tak hi ka vêng le, hi tual tlûnah mi ka veih dep awt, sikhawmsele Jakob thlâk an ektê lam chu ka veih na awtlo.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

LUK 1:13

Sikhawmsele, vânmifial nih chun a sinah, “Zekaria, ṭih lah, Pathian nih na deih mi kha a theih asi, na nupi Elizabet nih fapa a nan ring piak lai, a min ah Johan na sak ding asi.

LUK 1:31

Ngâinik, na râi lai le, fapa na ring lai le, a min ah chun JISU na sak ding asi.

LUK 1:63

Chun, lasui rînnâk tlêp a deih le, “A min chu Johan asi,” ti hen a rîn. Chun, an ektê hen chê an ti ngâi.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

JOSUA 19:18

Chu lakah chun Jezreel, Kesuloth, Sunem,