HOSEA 1:2 - Bawm Common Language Bible Version

² LALPA nih Hosea mang hen Israel tla sinah thu a simtir liau ah Hosea sinah, “Kal le, nupi va nei le, na nupi chu mi zumhkâilo asi lai le, nan fa tla khawm amah hâwi an si lai. Chu hâwitê hen ka mi le tla nih an hawng ka mâk le, zumhkâilo hen an um, a ti.

HOSEA 1:2 ပူးပေါင်းရင်းမြစ်များ

2 CHRONICLES 21:13

Chu hâwi ngâk hen Israel tla umdân zûl hen Juda mi leh Jerusalem mi chu Pathian lakah zumhkâilo tak hen na umpi na. Ahab leh amah ruangrûl ah umtu tla nih Israe1 tla zumhkâilo tak hen an umtir na hâwi hen na umtir na. Nangmah ngâk hen an ṭha dauh mi na unau tla lehlam na thah na.

SAM 106:39

An thilti hen anmah anna nâwmtir le, Pathian lakah zumhkâilo hen an um.

SAM 73:27

Nangmah nih na kaltâk mi chu a vei ngelchel lai; na lakah mi zumhkâilo chu na veih na lai.

JEREMIA 2:20

LALPA zahkâi nih, “Israel, a lân thawk hen ka thuneihnâk na duh lo le; ka thu ngâi ding leh hawng ka sawnh ding na duh lo. Tlâng sâng tlûn kip ah leh thing ring kip tangah thlâi ṭhattirtu pathian tla na sawnh.

JEREMIA 2:23

Zeitin khawm hen ka nâwmtir lo, Baal khawm ka sawnh dahlo na ti kho awt? Tivakuam ah thilsual na ti zia zauh le; na thilti tla zauh. Sangâwngsâu a phawl le, sût ding duh hen a tâl hen a suak le,

JEREMIA 3:9

ningzak theihlo thlo hen a um. Lung leh thing sawnh hen ṭângdang a pawm le, ram a nâwmtir.

EZEKIEL 6:9

An thinlung ah zumhnâk nei lo hen an hawng ka kaltâk le, kei ngâk hen milem an duh dauh ruangah ka rêp na hen ningzak ka saih na mi asi ti chunah an ka theih lai rawh. Thilsual ti hen anmah niamnâk ding thil an ti ruangah anmah anna fih lai.

HOSEA 2:7

A duh na mi tla chu a ṭhâwl na lai le, sikhawmsele tleih ding hen a tawng na lai lo, a hâwl na lai le, sikhawmsele a tawng na lai lo. Churawhchun, “Ka pasal masa sinah ka kîr nawlh lai le, tu mi tla ngâk hen ka rangah a ṭha dauh lai,” a ti lai.

HOSEA 3:1

LALPA nih ka sinah, “Kal le, nunau, a duh mipa sinah ṭângdang pawmtâktu sinah na dâwtnâk va langh. Israel mi tla pathian dang tla leiah pial hen milem sinah grep rah châr ap menza khawmsele ka dâwt nget na mi hâwi hen nang khawm nih na dâwt ding asi,” a ti.

HOSEA 5:3

Israel nih zei a bangh, ka theih ko. Ka lakah mi â thup kho ding asi lo, zumh a kâi lo, a mi tla chu kei hawng ka sawnh ding hen a tlâklo,” a ti.

MARK 1:1

Hi hi Pathian Fapa Jisu Krist Thawngthang Ṭha tlung dawmhtîrnâk chu asi.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.