HOSEA 1:1 - Bawm Common Language Bible Version

¹ Hi hi Uziah, Jotham, Ahaz leh Hezekiah Juda lal ansi liau ah leh Jehoash fapa Jeroboam Israel lal asi liau ah Beri fapa Hosea sinah LALPA nih thu a chah mi chu asi.

HOSEA 1:1 ပူးပေါင်းရင်းမြစ်များ

2 Lal 13:13

Jehoash chu a thi le, Samaria mi lal thlân ah an vûi le, a fapa Jeroboam panihnâk a ruangrûl ah a lal.

2 Lal 14:16

Jehoash chu a thi le, Samaria lal thlân ah an vûi le, a fapa Jeroboam panihnâk chu a ruangrûl ah a lal.

2 Lal 14:23

Juda lalchem Joash fapa Amaziah lâirêl kum leinganâk ah Jehoash fapa Jeroboam chu Israel lal a hawng si le, Samaria ah kum sâwmli leh kum khat lâi a rêl.

2 Lal 15:32

Remaliah fapa Pekah Israel lalchem lâirêl kum nihnâk ah Uziah fapa Jotham chu kum kul leh kum nga asi liauah Juda lalchem a hawng si,

2 Lal 15:5

LALPA nih Uziah chu phâr a veitir le, a thih tiang hen a dam kho lo. Amah lâwng hen in pakhat ah a um, a rian khawm a ṭuan kho lo; chu kar chun a fapa Jotham nih lâi a rêl.

2 Lal 15:7

Uziah chu a thi le, David khuapi ah mi lal thlân ah an vûi le, amah ruangrûl ah a fapa Jotham a lal.

2 CHRONICLES 27:1

Jotham chu kum kul leh kum nga asi liauah lal asi le, Jerusalem ah kum lêiruk lâi a rêl. A nu chu Zadok fanu Jemsah asi.

2 CHRONICLES 28:1

Ahaz chu lal asi liauah kum kul mi asi le, Jerusalem ah kum leiruk lâi a rêl. Amah thlâktu lalchem David umdân châwng hen thil a ti lo.

2 CHRONICLES 29:33

a dang chawchal zaruk leh dawrâ sângthum zapi rangah ei ding hen bâwlnâk rangah an hawng put.

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 7:1

Lalchem Ahaz, Jotham fapa, Uziah tupa nih Juda lakah lâi a rêl liauah râltuknâk a hawng um. Siria lalchem Rezin leh Israel lalchem Remaliah fapa Pekah nih Jerusalem an do le, sikhawmsele an lâk kho lo.

JEREMIA 1:2

LALPA nih Jeremia sinah Amon fapa Josia, Juda lalchem a sinâk kum leithumnâk ah thu a sim le,

JEREMIA 1:4

LALPA nih ka sinah,

EZEKIEL 1:3

Babulon ram ah mi Kebar tiva kapah chun LALPA nih ka sinah thu a sim mi ka theih le, a thiltikhonâk chu ka theih rawh.

JOEL 1:1

Hi hi Pethuel fapa Joel sinah LALPA thuchah chu asi.

AMOS 1:1

Hi bang tla hi Tekoa khuapi ah mi dawrâ vêngtu Amos thu tla asi. Lînîn kum nih lânah Uziah, Juda lalchem asi liauah leh Jehoash fapa Jeroboam Israel lal asi liauah Israel leikâng thu ah Amos sinah Pathian nih a muhtir.

JONA 1:1

Ni khat chu Amitai fapa Jona sinah LALPA nih thu a sim.

MIKAH 1:1

Juda lal Jotham, Ahaz, Hezekiah san liauah Moreseth khua ah mi Mikah sinah LALPA nih hi thuchah a pêk. LALPA nih Mikah sinah Samaria leh Jerusalem ah thil um ding mi thu chu a langh.

ZEKARIA 1:1

Persia lal Darias a lalnâk thawk hen a kum nihnâk thla riatnâk ah, LALPA nih khuavâng Zekaria Berekiah fapa Iddo tupa sinah LALPA nih hi thuchah hi a simh.

JOHAN 10:35

Pathian lasui thu nih a sim mi chu zungzâl rangah a dik asi ti kan theih; chun Pathian thupêk hen an um mi tla chu Pathian nih pathian tla a ti na.

ROM 9:25

Hose lasuibu ah chun, “Ka mi tla si dahlo mi chu ‘Ka mi tla’ ka ti lai. Phun ka dâwt dahlo mi tla chu ‘Ka dâwt mi tla’ ka ti lai.

2 PETER 1:21

Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.