HEBRAI 8:3 - Bawm Common Language Bible Version

³ Bâwlpu lalchem vial chu thilpêk leh bâwlnâk tla Pathian sinah ap ding hen ruat an si le, chun kan bâwlpu lalchem khawm nih hin zeimawh tal ap ding nei a herh asi.

HEBRAI 8:3 ပူးပေါင်းရင်းမြစ်များ

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

ROM 5:8

Sikhawmsele, Pathian nih chun a kan dâwtnâk chu sawr tlâk hen a langhtir le, misual tla kan si liauah Krist kan ruangrûl ah a thi ruang khan.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

HEBRAI 5:1

Bâwlpu lalchem vial chu mi zapi tla lakah mi thîm an si, chun an ruangrûl ah Pathian sawnh ding hen ruat asi. Anih nih chun sual tla rangah thilpêk tla leh bâwlnâk tla a ap tâwn.

HEBRAI 7:27

Anih chu bâwlpu lalchem dang tla hâwi hen mah sual leh zapi tla sualnâk ruangah bâwlnâk nisiar ap a herh lo. Amah â pêk liau khan mi zawzawng rangah bâwlnâk veikhat ah a lîm rawh ruangah.

HEBRAI 8:4

Juda dân hâwi vima hen thilpêk aptu tla bâwlpu an hawng um masa ruangah tual ah hin hawng um sele chu bâwlpu asi lai loh.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.