HEBRAI 7:9 - Bawm Common Language Bible Version

⁹ Chun, Abraham nih parâ lû ah pakhat a pêk liauah Levi parâ lû ah pakhat lâk tâwntu khawm nih a pêk bâk ti kho asi.

HEBRAI 7:9 ပူးပေါင်းရင်းမြစ်များ

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

MATHAI 7:8

Âuzawng a deihtu nih chun an tawng tâwn le; âuzawng a hâwltu nih chun an tawng tâwn; âuzawng a kiktu chu an awng piak awt asi.

ROM 5:12

Chun, mi pakhat ruangah sual laikulh ah a lût le, sual ruangah thihnâk a lût fâwn, chu hâwi ber hen mi zawzawng nih thil an hawng sual ruangah thihnâk nih mi zawzawng a zunh hep rawh.

DEUTERONOMY 26:12

“A kum thumnâk ah nan thil chîng mi lakah nan tawng mi parâ lû ah pakhat chu Levi tla, ramdang mi, mi ngâkṭah tla, numei tla sinah nan pêk lai le, chu tikah mi zapi nih an thil herh ei ding mi an tawng ver lai.

HEBRAI 7:10

Levi chu a suak pal lo rih ruangah Melkizedek nih a dawng liauah anih chu a thlâktu Abraham nih thlâk ding hen a um ving rawh ti kho asi.

HEBRAI 7:4

Churuangah, a rokual zia chu ruat nik u! Chun, chi thlâktu Abraham nih râltuknâk ah a lâk mi thil zawzawng parâ lû ah pakhat Melkizedek rangah a pêk.

HEBRAI 7:8

Bâwlpu tla leikâng thu lam chu a thi kho mi minung tla nih an lâk le, sikhawmsele Melkizedek lam chu Pathian lasui thu nih a sim hâwi hen a nung kumza mi nih parâ lû ah pakhat a lâk asi.