HEBRAI 2:3 - Bawm Common Language Bible Version

³ Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

HEBRAI 2:3 ပူးပေါင်းရင်းမြစ်များ

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

ROM 2:3

Churuangah, ka hâwi tla, nannih chu hâwi thil ti tâwn tla sâwitu, nannih nih chu hâwi thil nan ti bâk dangâiah Pathian nih lâi a rêlnâk lakah âwl ding nanna ruat mazei?

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

THILTI 4:12

Midang âu sin khawm ah ruangsuaknâk a um lo; laikulh ah minung min sak lakah ruang hawng kan suah khotu ding min dang rerêng an um lo,” a ti.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!

HEBRAI 4:11

Kan lakah âukhawm ê-aw ngâilo ruangah an lût kho lo phah mi hâwi kan si lonâk ding hen Pathian sinah lût leh a dîn ding hen kan chelh ri kan suah lai.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

LUK 1:2

a tîr thawk hen muhtu tla leh thu rianṭuantu tla nih kanmah hawng kan simh hâwi khan an rîn asi.

THUPHUANG 7:10

Chun, chubang tla nih chun, “Kan Pathian laltophah ah a to mi leh Dawrâ Fa thawk hen kan ruangsuahnâk a hawng tlung rawh,” ti hen fâk tak hen an âu.

TITA 2:11

Mi zawzawng rangah Ruangsuahnâk ding hen Pathian nih a zângfahnâk a hawng langh rawh ruangah.

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

MATHAI 23:33

Rûl tla, rûl thlâk tla, Gehena lâirêlnâk chu zeitin nan âwl kho lai?

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

JOHAN 15:27

Nannih khawm nih nan theihtir bâk lai, a tîr thawk hen ka sinah nan um ruangah.

LUK 24:19

Chun, anih nih chun an sinah, “Zei thil me?” a ti. Chun, annih nih chun a sinah, “Nazaret Jisu, Pathian leh minung zawzawng mitmuh ah a thu ah leh a thilti ah khuavâng minthang tak thâwngthâng thu;

MARK 1:14

Chun, Johan chu rêng an thlâk nûnah Jisu chu Pathian Thâwngthâng Ṭha sim hen Galili ram ah a hawng kal le,

EZEKIEL 17:18

A thutiam leh siat tleih a buar rawh. Hi bang thil zawzawng hi a ti rawh le, tu chun a suak lai lo rawh,” a ti.

ISAI 51:8

Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

ISAI 20:6

Chu tik chun, Philistia ram ah um mi tla nih, Asiria lal lianchem thawk hen kan ngauhsan chem mi tla lakah thil a hawng tlung zia hi zauhnik u! Zeitin kan him kho lai rawh?’ a ti.”

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

LUK 1:69

A to-aw David dâwngsung tla lakah chun, Ruangsuahtu chak hawng kan dirh piak dangâiah.

MATHAI 4:17

Chu ri rawh chun Jisu nih chun, “Rim u, Vân Ram a nâi rawh,” ti hen sim a dawmh rawh.

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

JUD 1:17

Sikhawmsele, duhtak le tla, nannih lam nih chun kan Lalpa Jisu Krist mifial tla nih thu an sim mi tla kha theihkumza u,