GENESIS 9:26 - Bawm Common Language Bible Version

²⁶ LALPA, Sem Pathian chu sawr hen um seh! Kanaan chu Sem sal asi lai.

GENESIS 9:26 ပူးပေါင်းရင်းမြစ်များ

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

GENESIS 24:27

“LALPA, ka pu Abraham Pathian chu sawr hen um seh, ka pu sinah zumhkâi tak hen thutiamtu chu. LALPA nih ka pu chik-le-ngerh sinah tluang tak hen hawng ka tlengtir rawh,” a ti.

GENESIS 27:29

Phun tla chu na to-aw si na sele, mi tla chu na mâika ah kûn na seh. Na unau tla zawzawng tlûnah lâirêltu si rawh, na nu thlâk tla chu na mâika ah kûn na seh. Siat an barhtu chu siatbarh hen um na seh, mal a nan sâwmtu chu malsâwm hen um na seh,” a ti.

GENESIS 27:37

Isak nih a sâng le, “Anih chu na hotu rangah ka siam ving rawh, a unau tla zawzawng khawm a to-aw ah ka siah ver na rawh; fâng leh uain khawm ka pêk hep rawh. Tuah chun, ka fapa, nang rangah zeikhawm ti kho ka nei lo rawh,” a ti.

GENESIS 27:40

Nangmah riamnâm hen na nung lai le, Na unaupa to-aw na si lai; Na hel tikah a thu tangah na um mi chu na suak teh lai,” a ti.

SAM 144:15

Hi hi a dik asi titu phun chu a thaw a suak. LALPA a Pathian ah neitu chu a thaw a suak!

ROM 9:5

Pu tla chu an tâ asi bâk, taksa leiah Krist chu anmah thawk hen suak asi fâwn; anih chu thil zawzawng tlûnah mi, zungzâl sawr tlâk Pathian asi! Amen.

DEUTERONOMY 33:26

Israel mi tla, nan Pathian hâwi hi zei pathian khawm a um lo. Rokual tak hen vân ah â chuan le, Nanmah ṭangpi ding hen sûm lakah chuan hen a hawng kal.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

JOSUA 9:23

Hi hâwi nan ti ruangah Pathian nih an mawhtir na asi. Nan minung tla chu sal an si kumza lai le, ka Pathian mun thenhlimh rangah thing an khawmh lai le, tî an than lai,” a ti na.

LÂIRÊL 1:28

Israel tla chu an hawng chak dauh rawh chun Kanaan mi tla chu an rianṭuantu rangah zângran ko hen an siam na le, sikhawmsele an nar hep na lo nget rih.