GENESIS 9:1 - Bawm Common Language Bible Version

¹ Pathian nih Noa leh a fa tla chu mal a sâwm na le, “Fa tam tak nei ule, nan thlâk tla nih tual tlûn zawzawng khat hen luah na seh.

GENESIS 9:1 ပူးပေါင်းရင်းမြစ်များ

GENESIS 1:22

Chubang zawzawng chu mal a sâwm na le, chun tî lakah thil nung um mi tla chu tisumsumriat khat ding leh vâ tla chu pua ding hen thu a pêk na.

GENESIS 1:28

mal a sâwm na le, churawhchun, “Fa tam tak nei ule, nan thlâk tla nih tual tlûn zawzawng luah hen anmah thuneihnâk tangah siah na seh,” a ti. “Ngâ, vâ tla leh ramsa zawzawng tlûnah thuneitu ah ka nan siam.

GENESIS 10:32

Hi zawng minung hi Noa thlâk hep an si. A phun phun hen anmah thlâk dân vima hen, buanso a tlung nûnah tual ah mi phun zawzawng chu Noa fapa tla thlâk hep an si.

GENESIS 2:3

A ni sarihnâk ni chu mal a sâwm le, chu ni ah chun a thilsiam chu a lîm rawh ruangah leh rianṭuan a dinhtâk ruangah a bîk hâwi hen a dangtê hen a thlei rawh.

GENESIS 24:60

Hi hâwi hen Rebek chu mal an sâwm: Ka farnu, nang hi, nuai tam tak nu hawng si rawh; na thlâk tla nih an mêlma tla khuapi chu neh na seh!” ti hen!

GENESIS 35:11

Chun, Pathian nih a sinah, “Kei, Pathian chak zeizawng tikho kasi. Fa tam tak nei le, phun tla chu nangmah thawk hen thlâk mi si seh, nang chu lal tla thlâktu na si lai.

GENESIS 8:17

Vâ tla leh ran tla khawm na sinah mi suakpi na, tual tlûn zawzawngah an hawng zan nawlh khonâk ding hen,” a ti.

GENESIS 9:19

Hi Noa fapa pathum tla hi tual tlûnah mi zawzawng thlâktu an si.

GENESIS 9:2

Ran zawzawng, vâ tla, ngâ tla nangmah ṭih hen um na seh. Na thuneihnâk tangah siah hep an si.

GENESIS 9:7

“Fa tam tak na nei ding asi, churawhchun na thlâk tla tual tlûn zawzawngah an um lai.”

SAM 112:1

LALPA chu sawr u! Mi, LALPA zahtu leh, a thupêk zûl nuam titu tla chu an thaw a suak.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.