GENESIS 8:21 - Bawm Common Language Bible Version

²¹ Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

GENESIS 8:21 ပူးပေါင်းရင်းမြစ်များ

GENESIS 3:17

Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh.

GENESIS 4:12

Tual ah thlâi chîng ding tum khawm le, tual nih zeikhawm a nan suah piak lai loh. Tual ah umnâk nei lo hen mi rawkrawl na si lai,” a ti.

GENESIS 5:29

“Hi fa nih hin Pathian siatbarh tual lakah hamh tak hen rian kan ṭuan mi chu thawsuaknâk hawng kan pêk lai rawh,” a ti le, churawhchun a min ah Noa a sak.

GENESIS 6:13

Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt.

GENESIS 6:17

Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 6:7

“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti.

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

SAM 58:4

Rûl hâwi hen tûr hen an khat. Sawkmuk nasêt hâwi hen an nâ ah theih ding an duh lo.

EXODUS 29:18

Eiphung thil ap hâwi hen mâichâm tlûnah duah hep. Chu apnâk rim nih chun hawng ka lawmhtir asi.

EXODUS 29:25

Chun, an sinah thawk hen thil an hawng ap mi chu lâk le, bâwlnâk mâichâm tlûnah ka sinah eiphung apnâk hâwi hen mâichâm tlûnah duah. Chu thil ap rim nih chun hawng ka lawmhtir asi.

THUFING LASUIBU 20:9

Mi âunih a sualnâk lakah mi ruangsuak hen a sia leh a ṭha a dik ti sim khotu um?

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

ISAI 47:12

Na mêt liau thawk hen na dâwi simnâk leh tamh tla zawzawng kha kil. Nangmah rangah an ṭangpi hen, na mêlma tla rangah na lâutir na kho lai dahmawh.

ISAI 47:15

Na san lakah chu vial chu mifing thu an simhtu tla nih na rangah thil ṭha an ti mi chu asi lai. A nan mâk thlap lai le, anmah duhnâk chiauah an kal lai le, nangmah humtu pakhat khawm an um lai lo,” a ti.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 65:6

“Rêp an siding mi chu ka thlûk zet le, rêp an tuar ding mi khawm rîn asi rawh. Thil an ti mi chu ka relh awt lo,

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 18:12

Annih nih an sâng lai le, ‘Bâng rîlmâl lah, zei rangah kan bâng êu lai? Kan duh zia zia hen ê-aw ngâilo tak hen thilsual kan ti awt,’ ” an ti lai.

JEREMIA 8:6

Thiamthih tak hen ka ngâi le, sikhawmsele thu dik rêng nan sim lo. Nan lakah âukhawm a sual ruangah pawi ti an um lo; ‘Zei thilsual me ka ti aw?’ ti hen ruattu pakhat khawm nan um lo. Râltuk ding hen rang a tek mi hâwi hen mah duhnâk chiauah nan kal kumza.

EZEKIEL 20:41

Nanna rekrâwinâk ram ah mi ka nan suah na hen munkhat hen ka nan pumh na tikah chun, bâwlnâk nan duah mi tla chu ka pawm lai le, phun tla nih mi thenhlimh kasi zia an muh lai rawh.

LEVITICUS 1:13

A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi.

LEVITICUS 1:17

A thla ah a tleih lai le, a pum chu a ek lai le, a thla chu sâm lo hen mâichâm ah duah hep ding asi. Chu eiphung ap mi rim nih LALPA chu a lawmhtir.

LEVITICUS 1:9

A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 4:31

Kawmhnâk thil ap rangah ran an thah le, a thâu an lâk mi hâwi hen a lâk lai le, mâichâm tlûnah a duah lai, chu rim nih LALPA a lawmhtir ding hen. Hi hâwi hen bâwlpu nih bâwlnâk chu sualtupa rangah a ap lai le, ngaihdam asi lai rawh.

LEVITICUS 8:28

Mosi nih anmah sin thawk ber hen a lâk le, birhtirnâk thil ap rang ding ah duahphung thil ap mâichâm tlûnah a duah. Hi hi eiphung thil ap asi, chu rim nih chun LALPA a lawmhtir.

NUMBER 15:3

Chawchal, dawrâ chal, dawrâ mawh kêl mawh LALPA sinah duahphung thil ap mawh, thutiam lîm bâwlnâk mawh, mah duh thu hen thil ap mawh, nan phung kût nan nei kumza mi thil ap rangah mawh nan pêk kho; chubang hâwi eiphung thil ap rim nih LALPA a lawmhtir.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

JOHAN 3:6

Taksa ah a suak mi chu taksa asi, Thlarau ah a suak mi chu Thlarau asi.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

ROM 3:23

mi zawzawng nih thilsual an ti ver le, Pathian rokualnâk anna ting kho lo rawh.

2 KORIN 2:15

Ruangsuah liau chir mi tla leh a vei liau chir mi tla rangah chun Pathian rangah Krist rimthâw kan si.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

1 SAMUEL 26:19

Churuangah Bâwipa, ka thu sim hawng ka ngâi piak. Keimah hawng ka dotu ding hen LALPA nih an ruat mi asi chun, a sinah thil ap nih a thinlung dangtir seh; sikhawmsele minung nih a ruat mi asi chun LALPA nih an lakah siat tlungtir seh. LALPA ram ah mi chu an hawng ka nar le, pathian dang cho sawnhnâk mun ah um ding hen an ka tuah ruangah.