GENESIS 8:1 - Bawm Common Language Bible Version

¹ Pathian nih Noa leh ran tla a sinah lawng ah an um mi chu a philh na lo; thli a lêngtir le, tî chu â zûk vima.

GENESIS 8:1 ပူးပေါင်းရင်းမြစ်များ

GENESIS 19:29

Pathian nih chu khuapi tla tivakuam mi Lot umnâk a râwk liau chun, Abraham chu a theihkumza le, Lot khawm nung dam a um hen a suaktir.

GENESIS 30:22

Churawhchun, Pathian nih Rakel chu a theihkumza le; a thlachamnâk a sâng le, fa ring kho ding hen a siam.

GENESIS 9:10

thil nung zawzawng vâ tla, ramsa tla, na sinah lawng thawk hen an suak mi zawzawng tla hen.

NEHEMIAH 13:14

“Ka Pathian, na Biakin rangah leh nangmah sawnh ding ah thil ka ti mi zawzawng tla hi theihkumza rawh.”

NEHEMIAH 13:22

Levi tla chu anmah a thenhlimhtir hen Dinh ni thenhlimh tak a mang ding hen kulh kawtkâ vêng ding thu ka pêk na. “Pathian, hi khawm hi theihkumza le, na dâwtnâk rokual tak ruangah hawng ka zuah rawh.”

NEHEMIAH 13:29

Pathian, hi bang mi tla nih bâwlpu rianṭuannâk mun leh bâwlpu leh Levi tla sinah thudân na tuk mi tla an buar mi chu theihkumza rawh.

NEHEMIAH 13:31

A tiktê ah thil ap duahnâk thing hawng put ding hen ka ruat le, mi nih an fâng thar rah min masa chem mi hawng put ding hen ka ruat piak na. Pathian, hi bang zawzawng hi theihkumza le, hi ruang hin thangṭhatnâk hawng ka pêk rawh.

JOB LASUIBU 12:15

Pathian nih ruah a sûrtir lo chun ni khua a kheu le, tî a hawng suah rawh chun tîlian a suak.

JOB LASUIBU 14:13

Laikulh thihnâk ah mi hawng ka thuh ving le ka duh a! Na thinthawk reh lânlo hawng ka thuh ving le, na ka theihkumza ding hen tik ruat nawlh.

SAM 105:42

A to-aw Abraham sinah a thuthup tiamh chu a theihkumza.

SAM 106:4

LALPA, na mi le tla na ṭangpi tikah hawng ka theihkumza. Ruang na suah na tikah hawng ka telhsih bâk.

SAM 115:12

LALPA nih hawng kan theihkumza hen mal hawng kan sâwm kumza lai. Israel mi tla zawzawng leh Pathian bâwlpu tla zawzawng chu mal a sâwm lai.

SAM 132:1

LALPA, David chu a hamhnâk zawzawng lakah a dawnh zia chu theih vima rawh.

SAM 136:23

Neh hen kan um khawm ah hawng kan philh lo; a dâwtnâk chu zungzâl asi.

SAM 137:7

LALPA, Amor tla nih Jerusalem an lâk liauah an thilti tla theihkumza rawh. “Tual ah siat ule, thlâk ver u! ” an ti mi tla theihkumza rawh.

SAM 29:10

LALPA nih chun tî thûk tak tlûnah Lalchem si hen zungzâl hen lâi a rêl.

SAM 36:6

Na repnâk chu tlâng sâng hâwi hen tlûn leiah a um. Na lâirêlnâk chu tipi thûk tak hâwi asi. Minung leh ramsa tla chu nangmah zauhkhenh an si.

EXODUS 14:21

Mosi nih a kut chu tî tlûnah a phar le, LALPA nih saklei mi thli hen tipi tî chu a khirh. Zân khuadei ver hen thli a râng le, tipi chu tual châr ah â chang rawh. Tî chu a hawng a ṭhêk le,

EXODUS 15:10

Sikhawmsele, LALPA nangmah thaw khat thli nih chun Aigupta mi tla tî ah a piltir na; tî ṭihnungkâi lakah suan hâwi hen an pil.

EXODUS 2:24

An rûm leh âi hâu theihtu Pathian nih chun Abraham, Isak leh Jakob sinah thu a tiamh mi chu a theihkumza.

THUFING LASUIBU 25:23

Mârlei thli nih ruah a hawng put mi hâwi hen mi chawngawihnâk nih thinthawknâk a siam.

ISAI 44:27

Thupêk hen tisumsumriat tla ka kangtir.

JEREMIA 50:38

Ram lakah ni khua khêutir ule, a tiva tla kangtir u. Babulon chu milem ṭihnungkâi umnâk ram asi le, chu chu zapi minung ât phahnâk asi.

AMOS 8:7

LALPA, Israel Pathian nih chun thu a tiamh rawh, “An thilsual ti chu ka philh kho ding asi lo.

JONA 4:11

Ninevi khuapi rokual tak chu chu ngâk hen ka lungkham awt tuktarâi, chulo khawm ah ngâksia sual lo mi nuaikhat leh sîng nih leh ran tam tak hen!” a ti.

NAHUM 1:4

Tipi chu thu a pêk le, a kang hep, tiva tla chu a kangtir. Basan ah mi phâisen tla chu a uai hep le, Karmel tlâng tla chu a senduk, Lebanon tlâng chawmpâr tla khawm a nawh hep.

HABAKUK 3:2

LALPA, thil na ti mi ka theih le, lâunâk hen ka khat. Tuah kanmah san ah ti ding na tum mi thil rokual tak chu ti rawh. Thinrun khawm le, khuaruat.

ZEKARIA 10:11

Lawksawngnâk tipi an tan tikah, kei, LALPA nih tî chu ka vuak lai le, Nile tiva thûk tak chu a kang lai. Asiria mizûm tla chu an nâu lai le, Aigupta mi chak tla nih a thiltikhonâk an thlâu lai rawh.

NUMBER 10:9

Nan ram ah tuknâk a um hen, an do natu mêlma lakah nanna vêng chun, hi tâwtawrâwt hâu lakah hin râltuk ding mi singsiahnâk nan nei ding asi. Kei, LALPA nan Pathian nih nan mêlma lakah mi kan ṭangpi na lai le, kan hum na lai.

NUMBER 22:32

Vânmifial nih, “Zei rangah kha hâwi hen na sanatung veithum na vuak? Na khualtlâwngnâk lampi kham ding hen ka hawng mi asi lo ma?

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 18:5

A sualnâk tla nih chun vân khawm a tawngh le, Pathian nih a thilti sual khawm a theih ko.

1 SAMUEL 1:19

A thâituan zîngtê ah Elkanah leh a dâwngsung tla chu an thawk le, LALPA an sawnh thluh rawh chun an khua Ramah ah an tlung rawh. Elkanah nih a nupi Hanah chu a itpi le, Hanah thlachamnâk chu LALPA nih a sâng.