GENESIS 7:23 - Bawm Common Language Bible Version

²³ LALPA nih tual tlûnah thil nung zawzawng, minung zawzawng, ramsa tla leh vâ tla a veih hep na rawh. Noa leh a sinah an um mi tla cho an him.

GENESIS 7:23 ပူးပေါင်းရင်းမြစ်များ

GENESIS 6:17

Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

GENESIS 8:18

Churawhchun, Noa chu lawng lakah mi a nupi leh a fapa tla leh an nupi tla hen an suak rawh.

JOB LASUIBU 5:19

Zeiliau zawng ah nganfâknak lakah mi a nan hum lai.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

SAM 91:7

Na sîrah an thi mi sâng khat tlû na khawmsele, sâng râ na kiangkam ah tlû na khawmsele, nang lam chu nganfâk na tawng lai lo.

THUFING LASUIBU 11:4

Na thih ni ah neihnâk chu zeikhawm asi lo. Sikhawmsele zumhkâinâk nih na nungnâk chu a hum kho.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;

2 PETER 2:5

Pathian nih tuan liau laikulh kha a zuah lo le, amah sunhsak lotu umnâk laikulh ah khan buanso a tlungtir rawh; sikhawmsele, Noa repnâk thu simtu leh midang pasarih chu ruang a suah na asi.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

2 PETER 3:6

Chubang lakah chun, chu liau mi laikulh chu tî nih a nîm le, a tlâu rawh ti anna theihtir lo asi.