GENESIS 6:9 - Bawm Common Language Bible Version

^9-10 Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

GENESIS 6:9 ပူးပေါင်းရင်းမြစ်များ

GENESIS 10:1

Hi bang tla hi Noa fapa tla Sem, Ham leh Japhet thlâk tla an si. Hi pathum nih hin buanso a tlung nûnah fapa tla an nei.

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 2:4

Chu chu laikulh siam dân chu asi. LALPA Pathian nih laikulh a siam liauah,

GENESIS 48:15

Churawhchun, Josef chu mal a sâwm rawh: “Ka pa Isak leh ka pu Abraham nih a rian an ṭuan piak mi Pathian nih hi ngaksia tla hi malsâwm na seh! Tusûn ni tiang ah hawng ka ruitu Pathian nih malsâwm na seh!

GENESIS 5:1

Hi hi Adam thlâk tla chu asi: Pathian nih minung a siam liauah amah bang cho hen a siam.

GENESIS 5:22

Chu nûnah chun Enok chu kum 300 ding Pathian hen anna kâwm le, fa dang tla a nei.

GENESIS 5:24

A dam kar chu Pathian hen kawmhnâk ah a mang, churawhchun Pathian nih a lâk ving ruangah muh kho asi lo rawh.

GENESIS 7:1

LALPA nih Noa sinah, “Na dâwngsung tla hen lawng ah lût ule, nangmah pakhat cho hi laikulh pumpi ah thil dik titu na si ti ka nan theih.

2 SAMUEL 22:24

Ka palh lo ti a theih le, thil diklo ti lakah kâ vêng.

1 Lal 3:6

Solomon nih a sâng le, “Ka pa David na to-aw lakah na dâwtnâk rokual tak na langhtir kumza le, nang hen nanna tlâinâk thu ah a ṭha hen zumh a kâi le, na dâwtnâk rokual tak tla chu langh vima hen tusûn ni ah a mahmun luah hen lâirêltu ding fapa tla pêk mi keimah lakah hin na dâwtnâk a dawnglo.

2 CHRONICLES 15:17

Asa nih ram lakah lunglotu pathian sawnhnâk râwk hep lo khawmsele, a dam sung zawng chu LALPA lakah zumhkâi tak hen a um.

2 CHRONICLES 25:2

LALPA duhzia hen thil a ti le, sikhawmsele a tak hen lam chun asi lo.

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

JOB LASUIBU 1:8

LALPA nih Setan sinah, “Ka to-aw Job na muh ma? Hi tual tlûnah amah hâwi hen âukhawm zumhkâi an um lo. Keimah hawng ka sawnh le, thilsual ti lakah thungâi â thiamthih,” a ti.

JOB LASUIBU 12:4

Tuah ka hâwi le men nih an ka nihsanh le, rêp hen sâwi ding um lah khawmsele, an hawng ka nihsanh. Sikhawmsele, Pathian nih ka thlachamnâk a sâng tik ding a um.

SAM 37:37

Mi ṭha chu zauh le, mirep chu singsiah rawh; Remnâk duhtu nih thlâk a nei,

SAM 37:39

LALPA nih mirep tla chu ruang a suah na le, lawksawng ni ah a hum na.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

EZEKIEL 14:14

Chubang mi pathum Noa, Danel leh Job chu chunah um na khawmsele an ṭhatnâk ruangah an nungnâk cho hum asi lai,” a ti. LALPA Zahkâi nih a sim asi.

EZEKIEL 14:20

Noa, Danel leh Job chunah um na khawmsele kei LALPA Zahkâi Pathian nung kasi sung chun anmah fa tla men an hum kho na lai lo. An ṭhatnâk nih anmah nungnâk cho a hum lai,” a ti.

HABAKUK 2:4

Thuchah lam chu hi hi asi: ‘Misual rerêng chu zuah an si lai lo, sikhawmsele mirep lam chu Pathian lakah zumh an kâi ruangah an nung lai, ti hi,” a ti.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

LUK 23:50

Chun, minung pakhat, a min Josef, lâirêltu, mi ṭha tak, rep tak a um.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.

GALATIA 3:11

Chun, Pathian mitmuh ah âukhawm Dân ruangah mawhtir lo hen an um lo ti a lang asi. “Mi rep tla chu lungnâk hen an nung lai,” ti hen Pathian lasui thu nih a sim ruangah.

DEUTERONOMY 18:13

LALPA lakah zumhkâi thlir hen um u,” a ti.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

2 PETER 2:5

Pathian nih tuan liau laikulh kha a zuah lo le, amah sunhsak lotu umnâk laikulh ah khan buanso a tlungtir rawh; sikhawmsele, Noa repnâk thu simtu leh midang pasarih chu ruang a suah na asi.