GENESIS 6:17 - Bawm Common Language Bible Version

¹⁷ Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

GENESIS 6:17 ပူးပေါင်းရင်းမြစ်များ

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

GENESIS 6:13

Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt.

GENESIS 6:16

Lawng chu a tlûn siam le, a tlûn leh a sîr lât dân chu feet 18 si seh. Lawng chu chuanh thum hen siam le, kawtkâ chu a sîr leiah siam.

GENESIS 6:7

“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti.

GENESIS 7:15

Pathian nih thu a pêk mi hâwi hen thil nung chi kip,

GENESIS 7:17

Tî chu a hawng sâng vima le, ni sâwmli tiang hen lawng puanh rê hen tî chu a thûk rawh.

GENESIS 7:4

Tu thawk hen ni sarihnâk ah thil nung ka siam mi zawng veih ding hen ni sâwmli leh zân sâwmli ruah ka sûrtir awt,” a ti.

GENESIS 9:9

“Tu chun nangmah leh na thlâk tla sinah thudân ka tuk rawh le,

JOB LASUIBU 22:16

Annih chu an tik a tlung lânah tîlian nih a fenh ving na.

SAM 107:34

Chunah um mi tla sualnâk ruangah ramkaro ah mi tual chu a altir.

SAM 29:10

LALPA nih chun tî thûk tak tlûnah Lalchem si hen zungzâl hen lâi a rêl.

EXODUS 14:17

Aigupta mi tla chu an lung ka khungtir na lai le, ka ṭhâwl tir vima na lai, lalchem leh a kawrsen tla, a kari leh a khalhtu tla ka nehnâk chu keimah thangṭhatnâk ding asi.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 54:9

“Noa um liau khawm ah tual tlûnah buanso tlungtir lo rawh ding hen thu ka tiamh. Tu khawm ah na lakah thinrun lo rawh ding hen thu ka tiam; nunsimh hen ka nan rêp lai lo rawh.

EZEKIEL 34:11

“Dawrâpu nih a dawrâ tla anna rekrâwi mi a pumh nawlh na le, a zauhkhenh na mi hâwi hen,

EZEKIEL 34:20

“Churuangah tuah kei, LALPA Zahkâi nih dawrâ chak leh chaklo lakah lâi ka rêl awt ti ka nan simh na asi.

EZEKIEL 5:8

Churuang chun, Kei, LALPA Zahkâi nih, na mêlma kasi ti ka nan simh asi. Phun zawzawng mitmuh ah na lâi ka rêl awt.

EZEKIEL 6:3

Israel tlâng tla chu LALPA thu ngâi ding hen simh na. Kei LALPA Zahkâi nih tlâng sâng tla leh tlângtê tla leh tiva hum thûk leh tivakuam tla ka simh na mi chu theih ding hen: Mi nih milem an sawnhnâk mun chu râwk ding hen nâmsâu ka fial awt.

HOSEA 5:14

Chakeibaknei hâwi hen Israel leh Juda tla chu ka do na awt. Keimah tak nih ka sâm dip na lai le, ka siah thlap na awt. Ka nûk ving na tik chun âukhawm nih an sanh kho na ding asi lo.

LEVITICUS 26:28

ka thinthawk hen nan lakah ka lung asi lai lo le, kan rêp na nâk chu a ṭhalo chem mi vei sarih ka hawng tlungtir lai.

AMOS 9:6

LALPA nih vân ah in a sak le, tual tlûnah vândum a siah. Tisumsumriat tî a kawh le, tual tlûnah a thlêt. A min chu LALPA asi.

MATHAI 24:39

Buanso a hawng tlung le, an ektê hen a lâk ver na lânlo chu zeikhawm an theih lo. Minung Fapa hawng kal nawlhnâk chu, chu hâwi ber asi lai.

LUK 17:27

Noa chu lawng ah a lût le, buanso a hawng tlung le, an ektê hen a thah ver na ni kha a tlung lânlo chu an din hen an ei le, nupi pasal anna umh tâwn.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;

2 PETER 2:5

Pathian nih tuan liau laikulh kha a zuah lo le, amah sunhsak lotu umnâk laikulh ah khan buanso a tlungtir rawh; sikhawmsele, Noa repnâk thu simtu leh midang pasarih chu ruang a suah na asi.