GENESIS 50:5 - Bawm Common Language Bible Version

⁵ ‘Ka pa nih a thi awt liauah, thu hawng ka chah le, Kanaan ram ah amah nih a timhtuah mi thlân lakah hawng ka vûi,’ a ti. Churuangah zângfahtê hen ka pa vûi ding hen hawng ka kaltir sele, ka vûi thluh chun ka hawng kîr nawlh lai,’ ” a ti.

GENESIS 50:5 ပူးပေါင်းရင်းမြစ်များ

GENESIS 3:19

Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.

GENESIS 48:21

Churawhchun, Jakob nih Josef sinah, “Na ka muh hâwi hen, ka thih a nâi rawh le, Pathian chu na sinah a um lâi le, an thlâk natu nan pu umnâk leiah an kîrtir nawlh na lai.

GENESIS 50:24

A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti.

GENESIS 50:4

Ulh ni tla â lim rawh chun, Josef nih lalchem rianṭuantu tla sinah, “Zângfahtê hen hi thu hi lalchem sinah va simh u;

GENESIS 50:6

Lalchem nih a sâng le, “Kal le, na pa chu na tiamh mi hâwi hen va vûi rawh,” a ti.

2 CHRONICLES 16:14

David khuapi ah lungpûk amah nih a ker mi lakah an vûi. A ruak chu rimthâw an chulh, thi mi lungfâk zauhtirnâk ah mei humpi an tih.

JOB LASUIBU 30:23

Ka thihnâk ding leikângah, mikip a thi mi tawngpumhnâk ah na ka put ti ka theih.

SAM 79:3

Na mi tla thisen chu tî hâwi hen an suaktir le; tîlian hâwi hen Jerusalem khua lakah a luang le, âukhawm ruak vûitu ding an um lo.

THUSIMTU 12:5

Mun sâng tak ah um tla na ṭih lai le, kal khawm na rangah ṭihnungkâi asi lai. Na sam tla a pâr lai le; nangmah men zângrah hen na hersân kho lai le, duhnâk zawzawng a vei hep lai rawh. A dawnghnâk ah dinhnâk mun ah kan kal lai rawh le, khualâi dungah mithi ulhnâk a um lai.

THUSIMTU 12:7

Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

THUSIMTU 6:3

Mi nih fa tla zâ nei hen sâwt tak a dam kho, sikhawmsele lâwmnâk zeikhawm nei lo hen a thlâk tla amah vûitu khawm um lo mi chu, fasêm a thi chia hen a suak mi lam ṭha dauh ka ti.

ISAI 22:16

“Âu ah me na ruat? Tlângah mi lungruk mun ah na thlân ker ding hen zei thu neihnâk me na nei?

MATHAI 27:60

amah thlân thar lung a ker mi lakah chun a zâutir le; thlân kawtkâ ah chun lung lianpi mi hen a khâr le, a kal rawh.

DEUTERONOMY 4:22

Kei lam chu hi ram ah hin ka thi lai le, tiva chu ka kanh awtlo, sikhawmsele, nannih lam chu nan va kanh lai le, ram ṭha chu nan va luah lai.

1 SAMUEL 14:43

Saul nih Jonathan rangah, “Zei thil me na ti?” ti hen a deih. Jonathan nih a sâng le, “Khuaitizû tâwm ka ei. Hinah ka um ko, thi ding khawm ka tîm ko” a ti.