GENESIS 49:10 - Bawm Common Language Bible Version

¹⁰ Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

GENESIS 49:10 ပူးပေါင်းရင်းမြစ်များ

2 SAMUEL 7:13

Anih nih chun ka umnâk ding in a sak lai le, a lalnâk chu kumleza hen ka birhtir lai.

2 SAMUEL 7:16

Thlâk tla na nei kumza lai le, na lalram chu ka siah kumza lai, na lalnâk chu a dawng lai loh, a ti,’ ” ti hen va simh.

1 CHRONICLES 12:39

Nithum David sinah an um, chu kar zawng a ram mi an hâwi tla nih an timhtuah mi puai ei leh din hen an um.

SAM 108:8

Gilead chu ka tâ asi, Manaseh khawm, Efraim chu ka lukhuh asi, Juda chu ka lal ṭhianṭhunh asi.

SAM 60:7

Gilead chu ka tâ asi le, Manaseh khawm; Ephraim chu ka lukhuh, Juda chu ka lal ṭhianṭhunh asi.

SAM 60:9

Pathian, kulh bir ah âunih hawng ka siah lai? Edom ah âunih an ka kalpi awt?

SAM 78:68

Juda phun leh Zion Tlâng a duhtak mi chu a thîm dauh.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

ISAI 60:1

Jerusalem thawk le, nî hâwi hen chêu rawh; LALPA rokualnâk na tlûnah a chêu!

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 30:21

An lâirêltu chu anmah phun thawk hen an hawng lai le, an lal tla khawm anmah minung thawk hen an hawng lai. Ka sâwm tikah ka sinah a hawng lai, sâwm silo mi tla chu an hawng ngam awt mazei? Annih chu ka mi tla an si lai le, kei chu an Pathian kasi lai. Kei, LALPA nih ka sim asi,” a ti.

JEREMIA 33:26

Hi ka ti mi hâwi hen ka to-aw Jakob leh David thlâk tla chu ka kilkâwi na awt. David thlâk lakah mi pakhat, Abraham, Isak leh Jakob thlâk tla tlûnah lâirêltu ding mi ka thîm awt. Ka mi tla tlûnah khua ka ruat lai le, an sul-le-lam ka tluangtir nawlh na lai,” a ti.

EZEKIEL 19:11

A ṭeng tla chu a khauh le, lal ṭhianṭhunh siding hen a ṭhang. Vândâwm tleng khet ding hen grep zûn chu a ṭhang le; a nah tam zia leh a sâng zia chu mikip nih an muh.

EZEKIEL 19:14

Grep zûnpi chu mei nih a khangh le, a ṭeng leh a rah tla a kâng hep. A ṭeng chu a khauh lai lo rawh le, lal ṭhianṭhunh khawm asi lai lo rawh. Hi hi ngaihsiatnâk la; sak lemang mi chu asi.

EZEKIEL 21:27

A râwk rawh, a râwk rawh! Asi khuapi chu ka râwk rawh. Sikhawmsele khuapi rêptu ding ah ka ruat mi minung a hawng kal lânlo chu hi hâwi hi a um lai lo rawh. Chu tik lam chun amah ka pêk lai.

EZEKIEL 21:32

Mei nih a nan veih lai. Na thisen chu na umnâk ram ah a luang lai le, âukhawm nih an theih lai lo rawh,’ ” a ti. LALPA nih a sim asi.

DANIAL 9:25

Hi hi singsiah le, theihthiam rawh, Jerusalem sak nawlh ding hen thu pêknâk thawk hen Pathian nih ruitu a thîm mi a hawng tiang chu hun sarih leh kum sarih a ral lai. Jerusalem chu a khua lâi leh a kulh hen sak nawlh asi lai le, hun sarih leh kum sâwmruk leh kum nih kar a dîr lai, sikhawmsele chu chu nawknâk hun asi lai.

HOSEA 11:12

LALPA nih, “Israel nih an âwkrâwl thusim leh an perpetnâk nih an hawng ka kulh pang. Juda mi tla khawm nih, kei, mi zumhkâi leh Pathian thenhlimh tlûnah an hel kumza nget rih.

MIKAH 5:1

Jerusalem mi tla, na kawrsen rual pumh na! Hual hen kan um rawh, Israel ruitu an do na rawh!

HAGAI LASUIBU 2:7

Phun tla chu ka lawnh phin na lai le, an neih tla chu hinah hawng put hen a um lai le, Biakin chu thil-le-rî hen a khat lai.

ZEKARIA 10:11

Lawksawngnâk tipi an tan tikah, kei, LALPA nih tî chu ka vuak lai le, Nile tiva thûk tak chu a kang lai. Asiria mizûm tla chu an nâu lai le, Aigupta mi chak tla nih a thiltikhonâk an thlâu lai rawh.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

NUMBER 21:18

Chu tikhur chu lal tla leh Mi zapi ruitu tla chawh mi asi, Lalchem ṭhianṭhunh leh An ṭhianṭhunh hen chawh mi asi,” ti hen. Ramkaro thawk hen Mattanah ah an kal le,

NUMBER 24:17

Mâilei thil um ding mi ka zauh le, Israel phun ka muh. Lalchem ârfi chêu tak hâwi hen Chu phun lakah mi a hawng suak lai. Israel thawk hen ârfi zuang hâwi hen a hawng kal lai. Moab ruitu tla chu a vuak na lai le, Seth mi tla zawzawng chu a thlûk phin lai.

NUMBER 24:19

Israel phun tla nih an lamhbêk na lai le, A thibang tla khawm an veih hep lai,” a ti.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 21:9

Chun, mi zapi a mâi leiah kal mi tla leh a zûltu tla nih chun, “David Fapa sinah Hosana! Lalpa min hen a hawng kal mi chu a thaw a suak. Chungnungchem ah khin, Hosana!” ti hen, an âu.

MATHAI 25:32

Chun, a mâika ah phun kip anna pûm lai le, dawrâ vêngtu nih kêl lakah mi dawrâ a thlei hâwi hen annih tla chu a thlei lai.

JOHAN 12:32

Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

JOHAN 18:31

Chun, Pilat nih an sinah, “Nanmah nih kalpi ule, nan dân hâwi hen a lâi rêl u,” a ti. Juda tla nih a sinah, “Kanmah thu hen âukhawm thah khonâk kan nei lo,” an ti.

JOHAN 19:12

Chu thawk chun Pilat nih suah a tum le; sikhawmsele Juda tla an âu le, “Hi minung hi na suah chun Rom Lalchem hâwipa na si lai loh; âuzawng lalchem ah â siam mi vial chu Rom Lalchem do an si,” an ti.

JOHAN 19:15

Chun, annih chu an âu le, “Thah rawh, thah rawh, kraws ah khenhbêk rawh!” an ti. Pilat nih an sinah, “Nan Lalchem hi kraws ah ka khenhbêk lai ma?” a ti. Bâwlpu lal tla nih, “Rom Lalchem lo chu lalchem kan nei lo,” an ti le, an sâng.

JOHAN 9:7

chun a sinah, “Siloam zur ah va ṭâwl rawh,” a ti. (Siloam chu Fial tinâk asi.) Chun, a va kal le; a ṭâwl le, mit dei hen a hawng nawlh rawh.

ROM 15:12

Chun, Isai nih, “Jese zung leh ram chu a um lai le, Phundang tla Lal ah um ding hen a hawng suak ding chu a um fâwn lai; anih chu Phundang tla nih chun an lungum san lai,” a ti nawlh ber.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

HEBRAI 7:14

Kan Lalpa chu Juda phun lakah a hawng suak ti fiang tak hen a lang; hi phun hen anna tlâinâk, bâwlpu leikâng thu ah, Mosi nih zei thu khawm a sim lo.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.