GENESIS 48:7 - Bawm Common Language Bible Version

⁷ Hi hi na nu Rakel ruangah ka ti mi asi. Anih chu Kanaan ram ah a thi le, thungâi ka lung a fâk. Mesopotamia ram thawk hen kan hawng kîr liauah Efrat khua naih zâu ah, Efrat kalnâk lam vâu ah amah chu ka vûi rawh,” a ti. (Efrat chu tûliau Bethlehem khua asi.)

GENESIS 48:7 ပူးပေါင်းရင်းမြစ်များ

GENESIS 25:20

Isak chu kum sâwmli a tling ah Rebek a umpi, Rebek chu Laban farnu (Aramean mi Mesopotamia ram mi) Bethuel fanu asi.

GENESIS 33:18

Jakob chu Mesopotamia ram thawk hen a kîr le, Kanaan ram ah Sekem khuapi chu him tak hen a va tlung rawh, khuapi kiangah mi phâiah um mun a khuar.

GENESIS 35:20

Jakob nih theihkumzanâk ding hen lung a phun le, tûtiang hen Rakel thlân ti singsiahnâk a um.

GENESIS 35:9

Jakob chu Mesopotamia ram ah mi a hawng kîr liauah, Pathian a sinah a hawng a langh nawlh le, mal a sâwm.

GENESIS 48:6

Fapa dang na nei ding mi lam chu kei rang ding asi lo; ro anna ting ding mi khawm Efraim leh Manaseh thawk asi lai.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MATHAI 2:18

“Ram khua ah hâu an theih, ṭap tla, mithi ngâi hen rûm leh âi tla, Rakel nih chun a fa tla a ṭapnawh na le, an umlo rawh ruangah lungngamh kho asi lo,” ti hen a sim mi kha a dik asi.

1 SAMUEL 1:1

Efraim tlâng ram ah Ramah khua ah a um mi, minung pakhat a min Elkanah, Efraim phun lakah mi a um. Amah chu Jeroham fapa, Elihu tupa, Tohu dâwngsung, Zuph chi asi.

1 SAMUEL 10:2

Tusûn ni ah na ka kaltâk rawh chun Benjamin ram ah Rakel thlân kiangah mi Zelzah ah minung panih hen nanna tawng lai. Chu tla nih chun na sanatung na hâwl mi an tawng rawh ti thu a nan simh lai. Churawhchun, na pa chu sanatung ruangah a lawksawng lai lo rawh le, nangmah ruangah a lawksawng dauh lai. ‘Ka fapa hi zeitin me ka ti awt le?’ ti hen a deih lemang na lai.

1 SAMUEL 16:4

Samuel chu LALPA nih a simh mi hâwi hen Bethlehem khua leiah a va kal rawh. Chu khuapi ah ruitu tla chu thir bû hen an va tawng le, Samuel sinah, “Muhtupa, na kan pal mi hi thlangamnâk thu masi?” ti hen an deih.

1 SAMUEL 17:12

David chu Jese fapa, Judai ram Bethlehem khua mi, Ephrat thlâk asi. Jese nih fapa pariat a nei le, Saul a lal liauah chun a tar ual rawh.