GENESIS 48:15 - Bawm Common Language Bible Version

¹⁵ Churawhchun, Josef chu mal a sâwm rawh: “Ka pa Isak leh ka pu Abraham nih a rian an ṭuan piak mi Pathian nih hi ngaksia tla hi malsâwm na seh! Tusûn ni tiang ah hawng ka ruitu Pathian nih malsâwm na seh!

GENESIS 48:15 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 24:20

Ran tla chu duh tâwk hen a dintir na le, tibêl chu lâwng tleng hen, tikhur leiah a tek le, a va than fâwn le, a sangâwngsâu tla chu a tinh hep na tiang hen.

GENESIS 24:40

‘LALPA, a thu ka ngâi kumza mi nih chun, a vânmifial nangmah sul-le-lam tluangtir ding hen a hawng fial lai. Ka pa unau, keimah mi tak lakah mi ka fapa nupi rangah na tawng piak ding asi.

GENESIS 27:27

Châwchawk ding hen a va naih liauah Isak nih a puan a nimh piak le, churawhchun mal a sâwm rawh. Hi hâwi hen a ti, “Ka fapa rim chu LALPA nih mal a sâwm mi phâisen rim hâwi si seh.

GENESIS 27:4

Ka duhzia tê hen thâw tak hen suang le, hawng ka pêk. Ka ei thluh tikah, ka thih lânah ka malsâwmnâk madung chem ka nan pêk lai,” a ti.

GENESIS 28:20

Churawhchun, Jakob nih LALPA sinah thutiamnâk a nei: “Ka khualtlâwngnâk ah ka sinah na um hen na ka zauhkhenh awt vima chun buh leh nipuan khawm hawng ka pêk hen,

GENESIS 28:22

Hi theihkumzanâk lung ka phun mi hi nangmah sawnhnâk mun ding a hawng si lai le, na ka pêk mi thil zawzawng lakah mi parâ lû pakhat ka nan pêk lai,” ti hen.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 35:3

Hi mun hi kan mâk awt rawh le, Bethel ah kan kal lai rawh; chu ni ah ka lawksawngnâk hawng ka ṭangpitu leh ka kalnâk zawng ah ka sinah um tâwn mi Pathian rangah mâichâm ka siam awt,” a ti.

GENESIS 48:16

Vânmifial, ṭihnungkâi zawzawngah hawng ka humtu nih malsâwm na seh! Hi ngâksia tla lakah hin ka pu Abraham leh Isak min chu um kumza seh! fa tam tak leh thlâk tam tak nei na seh,” a ti.

GENESIS 49:22

“Josef chu tinungva mi ram sanatung hâwi asi le, Pangdâr ah ram sanatung fa hâwi hen.

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

GENESIS 49:28

Hi tla hi Israel phun leinih an si le, chun, hi hi an pa nih a fapa tla kip sinah thuchah duhkâi tak a simh na mi chu asi.

GENESIS 6:9

Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

1 Lal 3:6

Solomon nih a sâng le, “Ka pa David na to-aw lakah na dâwtnâk rokual tak na langhtir kumza le, nang hen nanna tlâinâk thu ah a ṭha hen zumh a kâi le, na dâwtnâk rokual tak tla chu langh vima hen tusûn ni ah a mahmun luah hen lâirêltu ding fapa tla pêk mi keimah lakah hin na dâwtnâk a dawnglo.

1 CHRONICLES 5:1

Hi bang tla hi Jakob fapa lakah upachem mi Reuben thlâk tla an si: (a pa nupisûn lakah mi pakhat a ihpi ruangah a fa tîr sinâk a thlâu le, fa tîr sinâk chu Josef rangah pêk asi.

SAM 16:8

LALPA mâika ah chun ka thiamthih kumza; ka kiangah a um le, zeikhawm nih hawng ka ninh kho lai loh.

SAM 23:1

LALPA chu ka dawrâ vêngtu asi. ka herh mi thil kip ka nei.

SAM 37:3

LALPA lakah a ngauh le, thil ṭha ti rawh; ram ah chun um le, him rawh.

EXODUS 3:16

Kal le Israel ruitu tla pumh na le, Kei, an thlâktu tla Pathian, Abraham Pathian, Isak leh Jakob Pathian na sinah ka langh mi tla simh na. An sinah ka hawng mi leh Aigupta mi tla nih an tlûnah an ti na dân ka muh mi tla simh na.

EXODUS 4:5

LALPA nih, “A dik ti theihnâk ding hen Israel fa tla sinah LALPA, an thlâktu tla Pathian, Abraham Pathian Isak leh Jakob Pathian chu na sinah â langh ti theihnâk ding hen hi hi ti rawh,” a ti.

THUSIMTU 5:12

Rianṭuan mi nih chun ei ding a nei tâwk kho, a nei tâwk lo kho, sikhawmsele a ihmu lam chu a thaw lai. Minei pa chu, zeizat tal nei khawmsele a riaurak lai.

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

THUSIMTU 6:7

Mi nih thil zeimawh ei ding tawng ding duh hen a rian zawzawng a ṭuan le, sikhawmsele a duh tâwk a nei dahlo.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

ISAI 33:16

Churawhchun, na him lai le, kulh bir tak sungah um mi hâwi na si lai. Buh ei ding leh tî din ding khawm na tawng lai.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

1 KORIN 10:31

Chun, nan ei khawm ah, nan din khawm ah, nan ti mi kip ah khawm Pathian rokualnâk ding ver hen ti u.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

DEUTERONOMY 33:1

Hi bang tla hi Pathian mi Mosi nih a thih lânah Israel mi tla tlûnah malsâwmnâk a sim mi chu asi.

KOLOSA 2:6

Churuangah, Krist Jisu, Lalpa chu nan lawmh hâwi khan, amah lakah ram thlâk leh dirh hen sangh dadauh a um hen, an sîntir na hâwi khan nan lungnâk ah chun bir tak a um hen, lâwmthusim nei tam hen amah lakah chun um u.

HEBRAI 11:21

Lungnâk hen Jakob nih chun a thi awt bâiah Josef fa tla chu mal a sâwm vevê na, a ṭhianṭhunh pâr rinhsan hen Pathian a sawnh.