GENESIS 47:4 - Bawm Common Language Bible Version

⁴ Annih nih, “Kanaan ram ah pâm a fâk tuktarâi le, kan ran tla rang khawm ah ram a ningno lo, churuangah hi ram ah kan hawng kal mi asi. Churuangah zângfahtê hen Gosen ram ah um kho ding hen hawng kan siang piak le kan duh,” an ti.

GENESIS 47:4 ပူးပေါင်းရင်းမြစ်များ

GENESIS 12:10

Sikhawmsele Kanaan ram ah pâm a hawng tlung le, pâm a fâk thlo ruangah Abram chu Aigupta simlei kângah sâwtlotê va um ding hen a kal rawh.

GENESIS 15:13

LALPA nih a sinah, “Na thlâk tla chu mi ram ah an um lai le, chunah chun sal an si lai le, kum zali nehsawh hen an um lai.

GENESIS 43:1

Kanaan ram pâmnâk chu a zual dadauh le,

GENESIS 45:10

Gosen ram ah nan um lai le, keimah naih ah, nang, na fa tla, na dawrâ tla, na kêl tla, na ranrual leh nan thilneih zawzawng hen.

GENESIS 46:34

hi hâwi hen ti u, ‘Ran vulh hen nan nung mi nan si zia tla, nan pu san liau thawk hen chu hâwi hen rianṭuan nan si mi tla nan simh ding asi.’ Churawhchun, Gosen ram ah an umtir na lai,” a ti. Josef nih hi a tinâk san chu, dawrâ vulhtu tla chu Aigupta mi nih zeikhawm ah an siar na lo ruangah asi.

GENESIS 47:5

Lalchem nih Josef sinah, “Tuah na pa leh na unau tla chu an hawng tleng le,

SAM 105:23

Jakob chu Aigupta ram ah a kal le, chunah chun a va um rawh.

ISAI 52:4

Aigupta ah ramdang mi si hen nan va um liauah nanmah thu thu hen nan va um; Asiria nih zângran ko hen a nan kalpi ving na le, nan man zeikhawm a pêk lo.

THILTI 7:11

Chun, Aigupta leh Kanaan ram zawzawngah chun pâm a tlung le, hamhnâk fâk tak a tlung rawh; kan thlâktu tla nih chun ei ding rerêng an tawng lo rawh.

THILTI 7:6

Chun, Pathian nih hi hâwi hen a sim: ‘A thlâk tla mi ram leiah kum zali an châm lai le, mi nih sal ah an siam lai le, an nehsawh na lai,’ ti hen.

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.