GENESIS 47:29 - Bawm Common Language Bible Version

²⁹ A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.

GENESIS 47:29 ပူးပေါင်းရင်းမြစ်များ

GENESIS 24:2

A to-aw upachem mi, a neih zawzawng lakah thu a neihtir mi sinah chun, “Na kut kha ka êl karah siah le, siat a sirh.

GENESIS 24:49

Tuhin, ka pu thusim ziatê hen nan ti ding mi chu nan mawhphurhnâk asi ruangah ṭhadek hen ti piak ule, chu hâwi hen nan ti piak awt leh awtlo zângfahtê hen hawng ka simh u; chu tikah ti ding mi chu ka sim bâk lai,” a ti.

GENESIS 27:2

Isak nih, “Ka tar rawh le, ka thih ni a nâi rawh ti na theih.

GENESIS 3:19

Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.

GENESIS 47:9

Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti.

GENESIS 48:21

Churawhchun, Jakob nih Josef sinah, “Na ka muh hâwi hen, ka thih a nâi rawh le, Pathian chu na sinah a um lâi le, an thlâk natu nan pu umnâk leiah an kîrtir nawlh na lai.

GENESIS 50:12

Chun, Jakob fa tla nih a simh na mi hâwi hen an ti le;

GENESIS 50:5

‘Ka pa nih a thi awt liauah, thu hawng ka chah le, Kanaan ram ah amah nih a timhtuah mi thlân lakah hawng ka vûi,’ a ti. Churuangah zângfahtê hen ka pa vûi ding hen hawng ka kaltir sele, ka vûi thluh chun ka hawng kîr nawlh lai,’ ” a ti.

2 SAMUEL 14:14

Kan thi ver ding ko rawh, tual ah tî thlêt hen pumh nawlh kho lo mi hâwi hen kan si ko rawh. Pathian khawm nih a thi rawh mi chu a nunh nawlh lo. Sikhawmsele, Lalchem nih chun a tâng mi minung kîr nawlh ding hen a lampi a hâwl kho asi.

2 SAMUEL 2:32

Joab leh a mi tla nih Asahel ruak chu a dâwngsungkhur thlân Bethlehem ah an vûi. Zan khuadei ver hen an kal le, khuadei ah Hebron an tlung.

2 SAMUEL 7:12

Na thi lai le, an thlâk natu tla sinah vûi hen na um tikah na fapa lakah mi pakhat lal ah ka siam lai le, a ram chu chak tak hen ka kilkâwi piak lai.

1 Lal 2:1

David chu a thih a nâi rawh le, a fapa Solomon rangah a thu sîntirnâk madung chem a pêk.

JOB LASUIBU 14:14

Mi a thi chun a nung nawlh kho mazei? Kei lam nih chun tik ṭha ka ngâk le, hi nawknâk hun lîm ding hi ka ngâk ko.

JOB LASUIBU 30:23

Ka thihnâk ding leikângah, mikip a thi mi tawngpumhnâk ah na ka put ti ka theih.

JOB LASUIBU 7:1

Minung nungnâk chu kawrsen thupêk hâwi a rianṭuantu hâwi asi. Kut rianṭuan har tak hen lawh kal hâwi asi.

SAM 49:7

Mi amah leh amah â tlanh kho dah loh, a nungnâk man khawm Pathian a pêk kho lo,

SAM 49:9

Nung kumza ding leh thlân lakah kal lo ding hen zei tal a pêk khawmsele â tâwk rêng lai loh.

SAM 6:5

Laikulh ah mithi tla nih chun a nan theihkumza ding asi lo, chunah mi nih chun âukhawm nih an sawr kho lai loh.

SAM 89:48

Âu me thi lo hen dam kumza kho? Zei minung me thlân ah kallo ding hen â vêng kho?

DEUTERONOMY 31:14

Churawhchun, LALPA nih Mosi sinah, “Tam na dam lai lo rawh. Josua kawh le, Puanin ah hawngpi, chu tikah sîntirnâk ka pêk kho ding hen,” a ti. Mosi leh Josua chu Puanin ah an va kal le,

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

HEBRAI 11:22

Lungnâk hen Josef nih chun a thi awt bâiah khan Israel tla Aigupta ram thawk hen an suak ding mi thu a sim le, a taksa tla leikâng ah thu a pêk

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.

JOSUA 2:14

Annih nih nunau sinah, “Kan thusim hâwi hen kan tilo chun Pathian nih kan nungnâk lâk seh! Hi kan thilti tla hi pakhat khawm na simh na lo asi chun, LALPA nih hi ram hi hawng kan pêk tikah, ṭhadektê hen kan ti na lai ti hen thu kan tiamh asi,” an ti.

JOSUA 23:14

“Tu chun ka thih ni a nâi rawh. LALPA nan Pathian nih a nan tiamh na mi chu an pêk na rawh ti nan ektê hen nan theih rawh. Thu a tiamh mi zawng chu a zulh hep rawh, pakhat khawm a zulhpeh lo mi a um lo.

1 SAMUEL 26:10

David nih a sim vima le, “LALPA a nung mi min sal hen ka sim asi, Saul chu amah thihnâk ni ding ah mawh râltuknâk ah LALPA nih a thah awt ti ka theih.