GENESIS 47:27 - Bawm Common Language Bible Version

²⁷ Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh.

GENESIS 47:27 ပူးပေါင်းရင်းမြစ်များ

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 17:6

Thlâk tam tak ka nan pêk lai le, an lakah zeimaw mi chu lalchem an si lai. Thlâk tam tak na nei lai le, phun tla an hawng si lai.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

GENESIS 34:10

Churawhchun, hi kan ram ah kan sinah na um kho bâk lai le, na duhnâk mun zawng ah na um kho lai; thawsuak tak hen sâw na leh lai le, thil tla na nei lai,” a ti.

GENESIS 35:11

Chun, Pathian nih a sinah, “Kei, Pathian chak zeizawng tikho kasi. Fa tam tak nei le, phun tla chu nangmah thawk hen thlâk mi si seh, nang chu lal tla thlâktu na si lai.

GENESIS 46:3

A sinah, “Kei, na pa Pathian kasi,” a ti. “Aigupta ah kal ding ṭih lah; chunah chun na thlâk tla chu phun rokual tak ah ka siam lai.

GENESIS 47:11

Josef nih lalchem nih thu a pêk hâwi hen, a pa leh a unau tla chu Ramases khuapi kiangah Aigupta ram sungah a umtir na le, a ram ah mi thil ṭha tla a pêk na.

GENESIS 8:7

langâk a fial le, a hawng kîr lo thlo, tî a kang hep lânlo a zuang lemang ko.

GENESIS 8:9

sikhawmsele mun kip ah tî chu a kang rerêng lo ruangah vaṭhu chu fûtnâk a tawng lo. Lawng leiah a kîr nawlh le, Noa nih kut a zangh le, lawng sungah a lûttir.

NEHEMIAH 9:23

Vân ah ârfi zat hen fa tla na pêk na le, anmah thlâktu tla rangah pêk ding hen na tiamh mi ram na nehtir na hen a sungah na umtir na.

SAM 105:24

LALPA nih a mi tla chu tê leh fa tam tak a pêk na le, an mêlma tla ngâk hen chak dauh hen a siam na.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

EXODUS 1:12

Sikhawmsele Aigupta mi tla nih Israel tla an nehsawh na bilik leh an pung zia a fâk dadauh. A nehnûn ah chun ram an khat rawh. Aigupta mi tla nih Israel mi tla chu an zenh na le,

EXODUS 1:7

Sikhawmsele, an thlâk tla Israel mi tla chu fa tam tak an nei vima le, thungâi an pung hen an chak le, Aigupta ram an khat rawh.

ZEKARIA 10:8

“Ka mi tla chu ka kawh na lai le, munkhat ah ka pumh na lai. Ruang ka suah na lai le, an um ding mi hâwi hen ka pungtir na lai.

THILTI 7:17

“Chun, Pathian nih Abraham sinah thu a tiamh mi tik kha a hawng tlung awt hen Aigupta ram ah kan minung tla chu an hawng pung le, an hawng tam dadauh.

DEUTERONOMY 10:22

Aigupta ram ah a nan thlâk natu tla an kal liau chun sâwmsarih cho an tling. Tu lam chun LALPA nan Pathian nih vân ah ârfi zat an pungtir na rawh.

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.